U raportua se Simiqi u sulmua në veri, Elshani: Sipas informatave u lëndua nga një gotë e thyer
Gjatë ditës në media u raportua se anëtari i Listës Serbe, Igor Simiq, është sulmuar në Zveçan.
Në lidhje me këtë ka folur zëvendës drejtori i policisë për rajonin e veriut, Veton Elshani.
Ai tha se sipas informacioneve që ka policia, mbrëmë gjatë një feste, një person e ka thyer një gotë dhe xhamat e saj e kanë lënduar Simiqin.
“Sipas informacioneve që ne kemi mbrëmë gjatë festimit në një lokal në Zveçan, një person e ka thyer një gotë dhe xhamat e asaj gote e kanë lënduar një person. Nuk kemi rast të hapur deri më tani”, tha Elshani.
Më tej, ai tha se Policia e Kosovës është jemi duke u marrë me intervistim të personave të involvuar.
Sulmohet në Zveçan nënkryetari i Listës Serbe, Igor Simiq
Nënkryetari i Listës Serbe, Igor Simiq është sulmuar mbrëmë në Rudarë të Zveçanit, gjatë një eventi të organizuar nga reparti i Kardiologjisë dhe Internos i spitalit në veri të Mitrovicës.
Simiq ka marrë lëndime në kokë, bëjnë të ditur burime nga ahengu që u mbajt mbrëmë.
Bëhet e ditur se në eventin ku pati një numër të madh pjesëmarrësish, Simiq i cili ishte i ftuar nga kryetari i Listës Serbe, Zllatan Elek, është sulmuar nga një i ftuar, për motive ende të pa qarta.
Pas incidentit, eventi i cili është mbajtur në një restorant në Rudarë të Zveçanit, është ndërprerë.
Ndërkohë nga Policia e Kosovës bëjnë të ditur se janë duke u marrë me rastin.
“Kemi informacione dhe jemi duke verifikuar”, ka thënë zëvendësdrejtori i Policisë për rajonin e Mitrovicës të veriut, Veton Elshani.
Burime të KosovaPress-it bëjnë të ditur se ka dyshime që incidenti lidhet me akuzat e ndërsjella për keqpërdorim të fondeve për fushatë.
