Kreu i Lidhjes Demokratike të Kosovës, Lumir Abdixhiku, ka thënë se 40 mijë mbështetës të kësaj partie nga diaspora janë të regjistruar deri tani.
Përmes një postimi në Facebook, ai ka thënë se fitorja e parë elektorale po merr formë sonte.
Postimi i plotë:
🔥 40 mijë falënderime për Mërgatën! 💜💙
Fitorja e parë elektorale po merr formë sonte! Është e bukur, është freskuese, është vetë ndryshimi i kërkuar tash e sa kohë.
Plot 105,000 të regjistruar, nga të gjitha etnitë; tani që kanë mbetur vetëm edhe një orë e gjysmë. Ju faleminderit secilit për angazhimin e treguar qytetar në këtë proces demokratik.
Të 40 mijë mbështetësve tanë, ndërsa, të regjistruar deri në këto orë, ju faleminderit nga zemra që po shënoni hapin e parë në fitoren e parë elektorale! Fjalët më mbesin të mangëta për t’iu shprehur gjithë mirënjohjen tonë për ringritjen e djathtë tuajën. Por sonte, LDK ka festë!
Nga nesër, ndiqni kanalet komunikuese tonat, strukturat tona, lidhjet tona, për votim.
Sepse vota juaj është ndryshim!
Ju faleminderit, plot 40 mijë herë! ✌️
