Më 9 shkurt do të mbahen zgjedhjet në Kosovë.
Siç duket entuziazmi është i madh për të votuar edhe ata që jetojnë në diasporë.
Njohësi i shkencave të mediave dhe retorikës, Gëzim Mekuli, ka thënë se nga Novergjia do të organizohen 15 autobusë për mërgimtarët që të marrin pjesë në votimet në Kosovë.
“Albin Kurti mbetet simboli i kësaj energjie për ndryshim!”, shkruan ai.
Postimi i plotë:
Lajm fantastik nga Norvegjia: Mërgimtarët shqiptarë marrin hap të madh për demokracinë
Biznesmenë shqiptarë nga Kosova dhe Shqipëria kanë rezervuar 15 autobusë për mërgimtarët që jetojnë në Norvegji, duke u mundësuar të udhëtojnë për të votuar më 9 shkurt. Ky gjest patriotik mbështet reformat demokratike dhe luftën kundër korrupsionit.
Shembulli i tyre frymëzues tregon fuqinë e diasporës në përkrahjen e Kosovës sonë. 9 shkurti pritet të jetë një ditë shprese dhe angazhimi për të gjithë shqiptarët. Albin Kurti mbetet simboli i kësaj energjie për ndryshim!
