Analisti politik, Sadri Ramabaja, ka kritikuar ashpër ata të cilët ai i quan imitatorë, duke thënë se po pretendojnë që me çdo kusht ta përmbysin vullnetin e popullit në zgjedhjet e ardhshme.
Ramabaja thotë se qëllimi i tyre ta dobësojnë Kosovën dhe ta zhys në kaos.
Postimi i plotë:
Këshilli prokurorial i Republikës së Kosovës, me theks Prokuroria Speciale, tashmë është bërë palë e pozicionuar, pikërisht në prag të zgjedhjeve të 9 shkurtit 2025, disi ngjashëm si Elon Musk në Gjermani.
Elon Musk përmes një komenti të publikuar në Welt am Sonntag të dielën që lamë pas, ka turbulluar skenën politike gjermane.
Imitatorët e tij jo të paktë, jo vetëm në skenën tonë mediale, ka kohë që janë pozicionuar ashpër kundër Qeverisë Kurti 2 dhe pretendojnë që me çdo kusht ta përmbysin vullnetin e popullit më 9 shkurt 2025. Qëllimi i tyre është të dobësojnë Kosovën dhe ta zhysin atë në kaos.
No pasarán!
