Kandidat i Lidhjes Demokratike për deputet, Besim Mulaj ka vizituar sot komunën e Rahovecit.
Mulaj tha se kishte kënaqësinë të bashkëbisedonte me shumë rahovecianë mbi politikat që duhet t’i ketë qeveria e ardhshme nën udhëheqjen e Lumir Abdixhikut.
Postimi i plotë:
Sot në Rahovec – bashkë me njerëzit e vlerave dhe vizionit
Sot pata nderin të jem mysafir në një organizim të degës së LDK-së në Rahovec, ku pata kënaqësinë të bashkëbisedoj me shumë rahovecianë mbi politikat që duhet t’i ketë qeveria e ardhshme nën udhëheqjen e Lumir Abdixhikut.
Rahoveci është zemra e agro-turizmit dhe bujqësisë së avancuar, me potencial të jashtëzakonshëm që duhet ta kthejmë në prioritet kombëtar. Vreshtarët dhe prodhuesit e verës nga Rahoveci, të njohur jo vetëm në Kosovë, por edhe në mbarë botën, vazhdojnë të fitojnë çmime prestigjioze në panaire ndërkombëtare, duke promovuar traditën dhe cilësinë e tyre unike.
Po ashtu, fermerët e zonës prodhojnë produkte bujqësore të cilësisë së lartë, të cilat tashmë janë pjesë e tregut evropian. Ky potencial unikal e bën Rahovecin një kandidat të denjë për t’u shpallur zonë me interes agro-turistik, duke i dhënë zhvillimit ekonomik dhe promovimit të kulturës vendase vlerën që meriton.
Bashkë do të punojmë për të siguruar politika që mbështesin këto përpjekje dhe për të ndërtuar një të ardhme që vlerëson dhe investon në kapacitetet tona kombëtare. Pa besim s’ka ndryshim – dhe bashkë me rahovecianët, besimi për një të nesërme më të mirë veçse po rritet.
#LDK #Rahovec #LumirAbdixhiku #AgroTurizmi #ProdhuesitEVreshtaveDheVerës
