Kandidati për deputet nga radhët e Lidhjes Demokratike të Kosovës (LDK), Arben Gashi, ka thënë se Qeveria Kurti s’e ka asnjë sukses të matshëm.
Gashi ka pyetur se si janë harxhuar përreth 12 miliard euro buxhet në katër vite.
“Asnjë sukses të matshëm qeverisja e Albin Kurtit nuk e ka. Asnjë hiç, zero. Cila është puna e tij? Cili është suksesi i Albin Kurtit? Një urë në Saradran? Një urë e ka lëshu, edhe atë urë bashkëfinancues është Komuna e istogut. I ka harxhu 12 miliard euro për 4 vite, cili është rezultati në rritjen e mirëqenies?”, tha Gashi.
“Shteti e mbledh parën publike dhe qat pare publike e administron dhe e kthen në formë të shërbimeve dhe investimeve në interes të qytetarëve. Pra, qajo pare që është marrë, rreth 12 miliard euro, qysh është kthy tek qytetarët? Zakonisht kthehet me rroga për shërbimet që i ofrojnë mjekët, mësuesit, administratë publike, ushtri polici”.
