Koalicioni AAK – Nisma – Konservatorët – Forumi Intelektual E30 – Ideal, sonte mbajnë tubim elektoral në Gjakovë. Kandidati për kryeministër i këtij koalicioni, Ramush Haradinaj u ka bërë thirrje të gjithëve të shkojnë në Gjakovë, e të mblidhen së bashku për një Kosovë fituese.
“Dje në Prishtinë na keni dhënë forcë e besim për me ecë përpara për Kosovën fituese. Dje ishte një ditë e madhe. Keni ardhë me mijëra në Prishtinë “1 Tetori”, ma keni bërë zemrën mal. Faleminderit të gjithëve që na keni nderue, dhe që na keni dhënë forcë dhe besim me ecë përpara për Kosovën Fituese. Po ju thërras sot, ejani të gjithë në Gjakovë, në 17:30, në palestrën sportive “Shani Nushi”. Deri më 9 shkurt, bashkë për Kosovën Fituese. 137”, ka theksuar Haradinaj.
Edhe kryetari i Nismës Socilademokrate, Famtir Limaj ka ftuar qytetarët për tubimin në Gjakovë.
"Sot nga ora 17:30 shihemi në Gjakovë", ka thënë Limaj.
