I nominuari për kryeministër nga Lidhja Demokratike e Kosovës, Lumir Abdixhiku, në një video të shpërndarë në rrjete sociale nga fushata elektorale e partisë që drejton ka thënë se përtej ndarjes e përçarjes, urrejtjes e mllefit, kanë një ide, një vizion, si ta bëjnë të ardhmen e vendit.
“Kjo nuk është Kosova jonë, kjo nuk është sjellja jonë, kjo nuk është ëndrra jonë. Sot nuk qëndroj para jush as për të nxitur urrejtje për tjetrin, as për të iu mbushur plot helm e vrer t’iu ndajë në patriot e tradhtarë me mua apo me Serbinë”, ka thënë para simpatizantëve Abdixhiku që është në bartës i listës së LDK-së për zgjedhjet e 9 shkurtit.
“Sot qëndroj para jush të iu them që nuk ka Kosovë të partive, nuk ka Kosovë të individëve, nuk ka Kosovë të epokave, ka një Kosovë dhe një Kosovë të vetme, një ëndërr dhe një ëndërr të vetme, një adresë dhe vetëm një adresë të vetme, një atdhe dhe vetëm një atdhe të vetëm.
Republika jonë është vetë ëndrra jonë, ndryshimi sot është misioni ynë”, tha ai.
