Ish-kryetari i Këshillit Kombëtar Shqiptar, Nevzad Lutfiu, ka thënë se vetëm në vitin 2024, Serbia ka ç’regjistruar 422 qytetarë.
“Vetëm në komunën e Bujanocit, vetëm përgjatë vitit 2024 janë ç’regjistruar 422 qytetarë, faktikisht adresat e qytetarëve tanë. Kjo është shifër shqetësuese dhe një alarm i madh se pas Medvegjës po bëhet një spastrim etnik në Komunën e Bujanocit”, ka thënë ish-kryetari i Këshillit Kombëtar Shqiptar, Nevzad Lutfiu.
Lutfiu thotë se në Bujanoc ku mbi 60 për qind e popullatës janë shqiptarë, po tentohet ndryshimi i demografisë në favor të serbëve.
Edhe këshilltari komunal në Bujanoc, Ragmi Mustafi thotë se Beogradi ka për qëllim spastrimin etnik sistematik për ta prishur balancin etnik në të cilin prijnë shqiptarët.
“Secili banorë të padisë në këtë rast organet e shtetit, ashtu siç ka ndodhur me rastin e Safet Demirit, i cili ka mbërri në Gjykatën Kushtetuese, tashmë është duke u përgatitur për Gjykatën Evropiane për të Drejtat e Pakicave në Strazburg dhe po besoj që sa më shumë që kemi padi në kuadër të sistemit gjyqësor e që paraprakisht e dijmë se cilat do të ishin vendiemt e gjykatës, ne duhet të mbërrimë në Strazburg, të kërkojmë të drejtën tonë”, ka thënë Mustafi.
Spastrim etnik me mjete administrative, e ka konsideruar pasivizimin e adresave të shqiptarëve edhe Komiteti i Helsinkit në raportin e për të drejtat e njeriut në Serbi.
