Kryetari i PDK-së, Memli Krasniqi bëri homazhe në Reçak në 26-vjetorin e masakrës, bashkë me kandidatin për kryeministër, Bedri Hamzën.
Në Facebook, Krasniqi ka postuar disa fotografi duke thënë se në Reçak rikthehet vit pas viti për të nderuar ata që dhanë gjithçka për liri.
“Në Reçak, vit pas viti, rikthehemi për të kujtuar dhembjen dhe për të nderuar ata që dhanë gjithçka për lirinë tonë, duke u zotuar ta mbajmë gjallë sakrificën e tyre si dritë udhërrëfyese në rrugëtimin përpara.
Drejtësi. Paqe. Liri! Lavdi 45 martirëve të Reçakut”, ka shkruar Krasniqi.
