Autoritetet e Kosovës kanë njoftuar se kanë mbyllur organet komunale serbe në dhjetë komuna në jug të lumit Ibër, si dhe zyrat postare dhe të Administratës Tatimore të Serbisë.
Kosova filloi mbylljen e institucioneve serbe qysh në fillim të vitit 2024.
Kurse, autoritetet në Serbi kanë thënë se do t’i marrin të gjitha masat “për të mbrojtur popullin serb” në Kosovë.
Deputeti i “GUXO”, Haxhi Avdyli, ka thënë se ne po i çrrënjosim strukturat paralele, duke i zhbërë ato.
“KM Albin Kurti plus një mandat, që të mos kthehen këta që i zhbëmë...”, thotë ai
Postimi i plotë:
Shumë kishin qenë, por ne i çrrënjosëm.
Strukturat paralele që disa i mbyllnin syt para tyre, po i zhbëjmë.
Në shumë lokacione, mbi 30 institucione paralele të Serbisë në Kosovë u mbyllën sot. Jo në periferi, por në qendër të Kosovës.
Republika e Kosovës cep më cep.
KM Albin Kurti plus një mandat, që të mos kthehen këta që i zhbëmë...
