Kandidati për kryeministër nga Lidhja Demokratike e Kosovës, Lumir Abdixhiku, ka përmbyllur ditën e tij në lagjen Bregu i Diellit në Prishtinë, ku ka folur për investimet e mëdha që planifikohen për kryeqytetin, që arrijnë shifrën e 1.5 miliardë eurove.
Nga shkolla “Ismail Qemali”, Abdixhiku u prit me entuziazëm nga qindra qytetarë dhe banorë të lagjes, duke thënë se ky ishte një moment i veçantë për të takuar banorët dhe për të shpallur investimet që do të transformojnë Prishtinën.
“BREGU I DIELLIT! PRISHTINË! Mrekulli! Sonte foli lagjja ikonike e Kryeqytetit. Ishte festë! Ishte plot energji!” – u shpreh Abdixhiku gjatë fjalimit të tij.
Ai tha se investimet prej 1.5 miliardë eurosh do të transformojnë Prishtinën dhe do të ofrojnë mundësi për një të ardhme më të mirë për qytetarët.
“Prishtina nuk na le vet. S’më le vet! Prishtina e kaltërt po flet!” – shtoi Abdixhiku, duke përmendur numrin 124 si simbol të fitores dhe mbështetjes nga qytetarët.
“Faleminderit Bregu i Diellit! Bravo Alban, Sokol, Ema e Doruntina!”.
