Angela Griep, zëdhënëse e Dhomave të Specializuara të Kosovës (DhSK) në Hagë, sot në një konferencë për media ka folur në lidhje me kushtet e paraburgimit për të akuzuarit nga Specialja.
“Javët e fundit ka pasur komente në lidhje me kushtet e paraburgimit.
Dua të shfrytëzoj rastin të sqaroj se objekti i paraburgimit i DHSK-së monitorohet nga Komiteti Ndërkombëtar i Kryqit të Kuq (NNKK), i cili kryen inspektime të rregullta, të palajmëruara dhe të pavarura në objektin e paraburgimit për të këqyrur respektimin nga njësia e paraburgimit të të drejtave të njeriut, së drejtës ndërkombëtare dhe të standardeve të pranuara të trajtimit.
Gjithashtu, edhe Avokati i Popullit i DHSK-së kryen inspektime të rregullta për mbikëqyrjen e kushteve të paraburgimit”, tha ajo sot në një konferencë online për gazetarë.
