Kreu i OVL-UÇK-së, Hysni Gucati në “Politiko” me Kushtrim Sadikun, ka rrëfyer momente nga takimi me ish-komandantin serb, Ratko Mladiq dhe Sretan Lukiq në Hagë, të cilët janë përgjegjës për krime të luftës në Bosnje Hercegovinë dhe Kosovë.
Gucati ka theksuar se ka qenë një ndjenjë e keqe ta shohë Mladiqin në Hagë, duke thënë se “ai dhe ish-krerët e UÇK-së nuk mund të barazohen me dikë që ka kryer krime lufte dhe terror”.
“Me Mladiqin kam rastis. E kam pa ta mjeku poshtë. Unë kam hi, ata e kanë qit prej jashtë. Kur e sheh një kriminel lufte që ka vra gra, pleq dhe fëmijë në Bosnje dhe kur e sheh veten që nuk ke ba atë terror, nuk e ndjen veten mirë”, ka thënë Gucati.
Për më tepër, Gucati ka rrëfyer edhe një ankesë që ish-shefi i MUP-it në Kosovë, Sreten Lukiq kishte pasur ndaj ish-krerëve të UÇK-së në Hagë.
“Një ankesë e Sretan Lukiqit pse ne e kemi lëshu këngën e Adem Jasharit. Ai thotë po më provokojnë shqiptartë”, ka rrëfyer Gucati.
