Politikani serb, Boban Bogdanoviq mendon se presidenti serb Aleksandar Vuçiq, për t’u nxjerr nga situata në Serbi, sikurse edhe për të rritur përqindjen elektorale Albin Kurti në Kosovë, janë bërë bashkë për të krijuar një incident.
Këtë gjë Bogdanoviq e postoi në rrjetin e tij social në ‘Facebook’.
“Para tri ditësh një informatë ka ardhur tek unë nga një agjenci. Liderët e opozitës më kanë kontaktuar lidhur me incidentet e mundshme të reja. Ndërsa mediat e Kosovës e ndjekin dhe reaguan, e që mund të kishte pasoja negative për komunitetin serb në Kosovë”.
“Vuçiqit po i luhatet seriozisht pozita, nga ana tjetër Kurti do të bëjë çdo gjë që të vijë përsëri në situatë që të krijojë qeveri”, tha ai.
Forcat ushtarake të KFOR-it, sipas tij do të rriten për të parandaluar çdo lloj incidenti të mundshëm.
“Absolutisht. Do të rriten mu për fakt të arsyes për të parandaluar çdo lloj incidentin, gjegjësisht akti terrorist që është planifikuar në Prishtinë dhe në Beograd. Kjo është shumë e qartë që bashkësia ndërkombëtare do që të frenojë politikat nacionaliste që vijnë nga ana e Vuçiqit dhe Kurtit”, tha politikani serb.
Ai po ashtu pretendon se një ‘sulm’ i tillë mund të ndodh më 27 janar.
