Ambasadori i BE-së në Kosovë, Aivo Orav ka thënë se përkushtimi i presidentit historik, Ibrahim Rugova, ndaj rezistencës paqësore vazhdon t’i frymësojë të gjithëve.
Nëpërmjet një postimi në “X”, ai më tej thotë se trashëgimia e tij mbetet një testament shprese për brezat që do të vijnë.
“Me ftesë të presidentes Vjosa Osmani, pata nderin të marr pjesë në përkujtimin e 19 vjetorit të ndarjes nga jeta të Dr. Ibrahim Rugovës. Përkushtimi i tij ndaj rezistencës paqësore vazhdon të na frymëzojë të gjithëve.
Trashëgimia e tij mbetet një testament shprese për brezat që do të vijnë”, ka shkruar Orav.
