Analisti Shkëlzen Gashi në përvjetorin e vdekjes së presidentit Ibrahim Rugova ka rikthyer në kujtesë një ngjarje të veçantë të cilën ambasadori Hill kishte shkruar në librin e tij, kur në nëntor të vitit 1998, Rugova kishte viztuar Malishevën dhe reagimi i qytetarëve të Malishevës ishte i jashtëzakontë.
“Njerëzit fillimisht hezituan kur e panë liderin e tyre pas më shumë se një dekade, pastaj iu afruan dhe e përqafuan, duke e puthur në faqe. Disa e përqafuan dhe i ranë në gjunj, duke ia puthur dorën, sikur të ishte Papë”.
Sipas Gashit, të njejtën gjë qytetarët e Kosovës po ia bëjnë Albin Kurtit, duke e përqafuar, duke i rënë në gjunjë, e ia puthin dorën, sikur të ishte Papë.
Postimi i plotë:
Ibrahim Rugova dhe Albin Kurti
I dërguari amerikan për Kosovën në vitin 1998, ambasadori Christopher Hill, në librin e tij “Outpost: Life on the Frontlines of American Diplomacy” e përshkruan një vizitë të tij bashkë me Ibrahim Rugovën në fshatra të Malishevës në nëntor të vitit 1998:
«Reagimi i qytetarëve të Malishevës kur e panë Ibrahim Rugovën ishte i jashtëzakontë. Njerëzit fillimisht hezituan kur e panë liderin e tyre pas më shumë se një dekade, pastaj iu afruan dhe e përqafuan, duke e puthur në faqe. Disa e përqafuan dhe i ranë në gjunj, duke ia puthur dorën, sikur të ishte Papë. U ndala për të kapur pamjen në totalitetin e vet. Për ata që kishin thënë se e ka pasë puna e tij, do të doja ta shihnin tani. Se çka i bën disa politikanë karizmatikë e çka jo, ka qenë koncept i pakapshëm për mua, por në këtë ditë e pashë se Ibrahim Rugova ishte forcë që duhej marrë në konsideratë – ndoshta kjo ishte arsyeja pse UÇK-ja dhe të tjerët ishin aq të ashpër me të».
Krejt njëjtë qytetarët e Kosovës e përqafojnë Albin Kurtin, i bijnë në gjunj, e ia puthin dorën, sikur të ishte Papë. Kjo është arsyeja pse 'opozita' dhe 'mediat' janë aq të ashpër me të.
