Krasniqi: Roli i Rexhep Selimit në UÇK dhe mohimi për Veselin në Kleçkë

Në Dhomat e Specializuara të Kosovës (DhSK) në Hagë, ka përfunduar dëshminë dëshmitari i 118-të në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Dëshmia e këtij dëshmitari filloi të hënën (27 janar) dhe me kërkesën e tij, iu hoqën masat mbrojtëse, raporton “Betimi për Drejtësi“.

Gjatë kohës sa dëshmitari dëshmonte në sallë, ai përfaqësohej nga një avokat i cili ndodhej jashtë sallës së gjyqit, por që sipas kryetarit të trupit gjykues, Charles Smith III, ai ishte i disponueshëm në rast që dëshmitari kërkon konsultim ligjor lidhur me ato që do të thoshte në Hagë ose me çështje që mund ta inkriminonin.

Ndryshe, gjatë fundit të dëshmisë, dëshmitari përveç nga trupi gjykues, u mor në pyetje sërish nga mbrojtja e Kadri Veselit, përfaqësuar nga avokati Rodney Dixon.

Me kaq përfundoi seanca e sotme. Ndërsa, seanca e nesërme pritet të fillojë nga ora 11:30 dhe se pritet të përfundojë më herët se zakonisht, si dhe dëshmitari i radhës pritet të dëshmojë përmes video-lidhjes.

Dëshmitari Naser Krasniqi deklaroi të mërkurën se Rexhep Selimi kishte rolin e inspektorit gjeneral të Ushtrië Çlirimtare të Kosovës (UÇK).

Këtë deklarim, dëshmitari Krasniqi e bëri duke u përgjigjur në pyetjet e gjyqtarit Christoph Barthe, raporton “Betimi për Drejtësi“.

“Sipas asaj që dija unë dhe të tjerët në Brigadën 121, roli i zotit Selimi ishte inspektor gjeneral i UÇK-së”, tha dëshmitari.

Veç kësaj, Naser Krasniqi tha se brenda UÇK-së ka mundur që të ketë edhe veprime kundërshtuese, por që ai vetë është udhëhequr me parime morale dhe njerëzore.

“Kjo nuk do të thotë që brenda UÇK-së nuk kishte edhe veprime kundërshtuese ose individë që mund të kenë kundërshtuar, por tani nuk mund të jem specifik me raste. Çështja e zbatimit të vendimeve ose urdhrave e thash edhe më herët që lidhet me çështjen e ndërgjegjshmërisë dhe përgjegjshmërisë, dhe besimit në UÇK, dhe besimit në Shtabin e Përgjithshëm. Mua më shumë më kanë udhëhequr parimet morale e njerëzore sepse në atë periudhë e kam thënë se nuk kam qenë njohës i ligjit dhe nuk kam pasur asnjë lloj eksperience me natyrën e punëve të tilla”, tha dëshmitari.

Një pjesë e dëshmisë së dëshmitarit kaloi në përmbajtje të redaktuar për publikun, derisa gjyqtari Barthe po bënte pyetje.

Kurse, në pyetjet e gjyqtarit Guénawl Mettraux, dëshmitari tha se Jashar Salihu është tanimë i ndjerë, por që e ka njohur si figurë të rëndësishëm të Lëvizjes Popullore (LPK) në Zvicër. Ai shtoi se nuk e ka njohur nga afër por vetëm si figurë.

Po ashtu, dëshmitari tha se Jashar Salihu ka qenë edhe kryetar i fondit “Vendlindja thërret” që kishte për qëllim financimin e luftës çlirimtare.

“Nuk e di, nuk jam i sigurt”, u përgjigj dëshmitari, kur u pyet se a ka ushtruar ndonjë funksion tjetër Jashar Salihu brenda UÇK-së.

Përpara trupit gjykues, pyetje për dëshmitarin parashtroi edhe mbrojtja e Jakup Krasniqit e përfaqësuar nga avokatja Venkateswari Alagendra. Ndërsa, mbrojtja e Thaçit nuk pati pyetje.

Gjithashtu, nga deklaratat e dëshmitarit për mbrojtjen, prokurorja Vega Iodice tha se i duhen disa sqarime, andaj i bëri disa pyetje shtesë për dëshmitarin.

 Dëshmitari Naser Krasniqi deklaroi para Dhomave të Specializuara të Kosovës (DhSK) se nuk e ka parë asnjëherë Kadri Veselin që ta dërgojë dikë në objektin e ndalimit në Kleçkë.

“Është e vërtetë se asnjëherë nuk e kam parë duke e dërguar dikë në atë qendër”, tha Veseli, raporton “Betimi për Drejtësi“.

Dëshmitari tha se ka qëndruar përreth zonës së Kleçkës deri në përfundim të luftës, përkatësisht deri në fillim të qershorit 1999.

Me arsyen që informacionet konfidenciale mund të nxirren nga dëshmitari në pyetjet e radhës, avokati i Veselit, Rodney Dixon kërkoi seancë privat. Kjo kërkesë e mbrojtjes, u aprovua nga trupi gjykues.

Dëshmitari Naser Krasniqi gjatë dëshmisë në Hagë tha se Kadri Veseli nuk ka qenë i përfshirë në asnjë prej vendimeve lidhur me ndalimin ose lirimin e personave në Kleçkë.

Këtë gjë, Krasniqi e pohoi duke u përgjigjur në pyetjet e avokatit të Kadri Veselit, Rodney Dixon, raporton “Betimi për Drejtësi“.

Ai gjithashtu tha se Veseli nuk ishe i përfshirë në asnjërin prej hetimeve në rastin e Krojmirit dhe në asnjë prej vendimeve të marra në këtë rast, e asnjë prej rasteve të tjera për të cilat dëshmitari ka dijeni.

SHIK-u nuk kishte të bënte me Shërbimin Informativ Ushtarak, por me pjesën civile, tha ai.

Krasniqi theksoi se pas formimit të Qeverisë së Përkohshme të Kosovës, ka mundur të ndodhë kalimi i Kadri Veselit nga ZKZ-ja në SHIK.

“Një gjë e tillë ka mundur të ndodhë pas formimit të Qeverisë së Përkohshme të Kosovës. Sigurisht me formimin e Qeverisë së Përkohshme (në prill të 1999-ës) ka pasuar një emërim i tillë”, tha dëshmitari.

Krasniqi pohoi që nuk ka marrë ndonjë urdhër nga Kadri Veseli gjatë kohës së luftës.

Dëshmitari Naser Krasniqi tha se sektori i Zbulim-Kundërzbulimit (ZKZ) ka qenë pothuajse fiktiv dhe që ato pak informacione që kanë ardhur nuk i janë përcjellë Kadri Veselit si shef i këtij sektori në UÇK.

Fillimisht, Krasniqi në intervistë për ZPS-në e kishte përshkruar rolin e tij si udhëheqës i ZKZ-së në Brigadën 121 si fiktiv, pasi emërimi i tij ishte vetëm për përmbushjen e strukturës formale dhe organogramit të UÇK-së. Edhe sot, në sallën e gjyqit dëshmitari e pohoi një gjë të tillë, raporton “Betimi për Drejtësi“.

Dëshmitari Krasniqi kishte thënë se detyra e çdo shërbimi inteligjence është që të mbledhë informacion dhe kjo ishte më shumë si përshkrim në organogramën e UÇK-së në atë kohë. Kishte shtuar se nuk kishte kapacitete sa u takon veprimeve konkrete në këtë shërbim.

Krasniqi kishte thënë se edhe në rastet kur kanë mbledhur ndonjë informatë të caktuar, e kanë përcjellë. Megjithatë, ai kishe shtuar që sa i kujtohet nuk kishte marrë ndonjëherë ndonjë informacion të rëndësishëm, pasi sipas tij kishin mundësi të kufizuara.

“Më kujtohet që e kam thënë një gjë të tillë”, tha dëshmitari, duke shtuar se edhe informacionet që janë sjellë në njësi nuk kanë qenë të rëndësishme dhe në rast që nuk do vinin këto pak informacione, shërbimi do të quhej fiktiv.

“Nuk ka qenë ndonjë informacion që i takon nivelit të shërbimeve informative apo Zbulim-Kundërzbulimit”, tha ai.

Krasniqi pohoi që në rast se merrej ndonjë informacion i tillë, i përcillej komandantit të Brigadës që në atë kohë ishte Haxhi Shala dhe nuk e kalonin më tej në hierarki.

Krasniqi u përgjigj me ‘pajtohem’ kur u pyet se a është e saktë të thuhet që informacionet nuk i janë përcjellë drejtpërdrejtë Kadri Veselit që ishte shef i ZKZ-së.

Dëshmitarit iu prezantua një vendim dhe ai mohoi se ka nxjerrë vendime të ngjashme që emëronin persona të caktuar për pozita të caktuara.

“As si komandant i ZKZ-së e as si komandant i Togut të Policisë Ushtarake. Konsideroj që është hera e vetme që është lëshuar ai vendim. Nuk do të thotë që emërtimi është i saktë. Këtu janë disa detyra që janë dhënë skuadrës së Policisë Pshtarake në Bellanicë për ruajtjen e rendit në ato rrethana”, tha dëshmitari.

Në Dhomat e Specializuara të Kosovës (DhSK) në Hagë, edhe të mërkurën po vazhdon dëshminë dëshmitari i 118-të, Naser Krasniqi, në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.

Duke u përgjigjur në pyetjet e avokatit Geoffrey Robert i cili përfaqëson Selimin, dëshmitari tha se atë (Selimin) e vlerëson për kontributin e dhënë për lirinë e Kosovës si dhe ishte vetë ai që urdhëroi lirimin e të ndaluarve në rastin e Krojmirit, raporton “Betimi për Drejtësi“.

“E vlerësoj lartë zotin Selimi për kontributin e dhënë për lirinë dhe shtetësinë e Kosovës. Në kontekstin e rrethanave të kohës, zoti Selimi mund të ketë bërë gjënë e duhur që i ka liruar të ndaluarit. Unë nuk jam këtu për ta vlerësuar një gjë të tillë. Unë jam këtu për të dëshmuar me korrektësi për atë që kam parë dhe që kam dëgjuar”, tha ai.

“Ai mund të ketë bërë veprimin e duhur se ne kemi qenë ata që i kemi ndaluar ata persona, zoti Selimi i ka liruar ata persona”, tha dëshmitari.

Krasniqi mohoi se ka pasur ndonjë vendim me shkrim për lirimin e këtyre personave.

“Lirimi i tyre ka ndodhur në mënyrë verbale. ‘Këta duhet të lirohen’ dhe stafi i qendrës së mbajtjes i ka liruar. Kaq”, tha Krasniqi.

Po ashtu, Krasniqi mohoi se ka kundërshtuar lirimin e ndonjë personi në këtë rast ose në raste tjera.

“Nuk ka qenë detyrë e imja të kundërshtoj dhe nuk mendoj që është rregull që dikush që është më poshtë të kundërshtojë dikë që është pak më lartë sepse në fund të fundit në kontekst të rrethanave unë kam menduar që ai bëri veprimin e duhur”, tha Kransiqi.

Gjatë dëshmisë, dëshmitari tha se nuk ka pasur praktikë standarde se si duhet të veprohet në raste të tilla përveç udhëzimeve që i ka dhënë Sokol Dobruna.

Naser Krasniqi pohoi se përveç Sokol Dorbunes, nuk kishte të emëruar tjerë në Gjykatën Ushtarake.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.  

Më 29 prill 2022, Zyra e Prokurorit  të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. 

Në Dhomat e Specializuara të Kosovës në Hagë sipas kalendarit sot do të vazhdojë procesi gjyqësor ndaj ish-krerëve të Ushtrisë Çlirimtare të Kosovës Hashim Thaçit, Kadri Veselit, Rexhep Selimit dhe Jakup Krasniqit.

Ndryshe edhe dje ka dëshmituar Naser Krasniqi. Seanca në këtë rast gjyqësor do të ketë sot dhe nesër.

Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.  

Më 29 prill 2022, Zyra e Prokurorit  të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor