Zylfi Tejeci nga fshati Gorozhup i Hasit është zhdukur që nga 23 janari i këtij viti.
Organizata e Veteranëve të Ushtrisë Çlirimtare të Kosovës, dega në Has, në një postim në Facebook, ka bërë thirrje që kushdo që e sheh këtë person t’i lajmërojë.
“Është zhdukur nga ora 18:55, sipas burimeve të vërtetuara ka qëndruar në një lokal në fshatin Planej pastaj ka lëvizur për në shtëpi. Dhe është zhdukur nga ky moment”, thuhet në njoftimin e OVL UÇK-së në Has.
Klankosova.tv ka kontaktuar me djalin e të zhdukurit, Ardian Tejeci, i cili tha se rastin për babain e tij e kanë raportuar në polici dhe se deri tani ende nuk e kanë gjetur.
“Kemi kërkuar ende nuk e kemi gjetur, kemi dalë në grupe për ta kërkuar”, ka thënë Tejeci.
Media ka kontakuar Policinë e Kosovës në Prizren, zëdhënësi Vesel Gashi, ka thënë se janë duke e hetuar rastin në fjalë.
Nëse keni ndonjë informacion për personin në fjalë, kontaktojeni policinë, por edhe këtë numër kontakti të familjarëve: 049-669-675
