Komandantja supreme të Forcës së Sigurisë së Kosovës, Vjosa Osmani tha se Kosova duhet të jetë e gatshme për tu ballafaquar me sfidat e sotme nga luftërat konvencionale e deri tek ato hibride.
Kështu tha Osmani në konferencë me temën “Qëndrueshmëria Kombëtare – Sfidat dhe Rruga Përpara”, e organizuar nga Ministria e Mbrojtjes.
Presidentja Osmani tha se duhet një arkitekturë e sigurisë që është inovative, fleksibile dhe e përgatitur për tu ballafaquar me çdo kërcënim.
Sipas saj qëndrueshmëria kombëtare është detyrim për gjeneratat e ardhshme.
Kryeministri i Kosovës, Albin Kurti tha se pavarësisht sfidave mund të ndërtojnë një e ardhme të sigurt për qytetarët e Kosovës.
Ai tha se në këtë kohë sfidash qëndrueshmëria nuk është më opsion për zgjedhje por domosdoshmëri.
Sipas tij viteve të fundit janë ndërmarrë hapa që kanë forcuar qëndrueshmërinë kombëtare.
Ministri i Mbrojtjes, Ejup Maqedonci u shpreh se qëndrueshmëria kombëtare është themel për një të ardhme të sigurt.
