Analisti, Xhevdet Pozhari, deklaron se edhe vetë LDK-ja e di se në këto zgjedhje nuk ka gjasa të dalë e para.
Pozhari thotë se as militanti më i flaktë i kësaj partia nuk ka deklaruar se Lumir Abdixhiku do të jetë kryeministri i ardhshëm.
“Elektorati i LDK-së kanë thënë se mund të jetë zotëri Abdixhiku kryeministër, por asnjëherë nuk kanë marrë guximin qoftë edhe militanti më i flaktë i LDK-së që të thotë duke dalë si partia e parë, ngase konsiderojnë atë se nëse zotëri Kurti do t’i kalojë 50% a mund apo jo që të iu vije radha të tjerëve që të bëjnë një koalicion më të gjerë për të qeverisur me vendin. Pra, pikëpyetje që shtrohet në opinion është: nëse Kurti siç është duke i kërkuar 500 mijë vota do ta arrijë cakun e tij? Apo, nëse këta të tjerët do ta kenë në dispozicion pas mundësinë për të bërë qeverinë. Edhe vetë LDK-ja e di se në këto zgjedhje nuk ka gjasa të dalë e para”, deklaroi ai në emisionin “Këndi i Debatit”.
Madje, për këtë subjekt politik thotë se nga fushata përmes rrjeteve sociale më shumë ka fituar themeluesi i Facebook-ut Mark Zuckerberg, sesa vetë partia.
“Sa i përket euforisë së fushatës që shfaqet kryesisht në rrjete sociale përmes transmetimit të tubimeve, mendoj se më shumë ka fituar Mark Zuckerberg prej LDK-së, sesa do të fitojë LDK-ja në vota. Ose, më shumë kanë fituar kompanitë turistike duke i bartë militantët me autobusë nga një qytet në tjetrin për të krijuar këtë frymë, sesa që do të zbërthehet në rezultate”, tha ai.
