Kurti nga Mitrovica ka një ftesë publike për Bedri Hamzën

Lideri i Lëvizjes Vetëvendosje dhe Kryeministri i vendit, Albin Kurti, ishte sot i pranishëm në tubimin e mbajtur në Mitrovicë.

Kurti, në një postim në Facebook, ndau me ndjekësit fjalimin e tij para paravotuesve potencial.

Postimi i plotë:

Sot kushdo, kurdo mund të shkojë andej Ibrit, të rrijë, të kthehet, të rikthehet për punë, për pushim, për qejf. E sonte nga sheshi i qytetit të Mitrovicës, “Mehë Uka”, zotohemi për:

Ndërtimin e spitalit të ri në Mitrovicë dhe gjashtë poliklinikave specialistike në gjashtë komuna;

Përfundimin e rrugës Prishtinë-Mitrovicë në pranverë dhe të punimeve në Stadiumin “Adem Jashari” në fillim të vitit të ardhshëm;

Themelimin e Fondit të Sigurimeve Shoqërore me të cilin do të mbulohet pagesa për pushimin e lehonisë dhe prindëror si dhe pagesa në rast të humbjes së vendit të punës;

Deri në 100 milionë euro buxhet për Listën e Barnave Esenciale dhe për listë të rimbursueshme të barnave jashtëspitalor – që do të bëhet për herë të parë.

Lëvizja Vetëvendosja ka mbajtur sot në tubim parazgjedhor në sheshin “Mehë Uka” në Mitrovicë.

Kreu i LVV-së dhe kryeministri i vendit, Albin Kurti tha se sot, kushdo mund të shkojë kurdo andej Ibrit, për punë, për pushim apo për qejf, në ditët e javës apo të fundjavës, e sidomos qytetarët e Mitrovicës.

Kurti u shpreh se “1000 lajme të rreme nuk mund ta mposhtin të vërtetën. Sot në veri të Kosovës valon flamuri i Republikës së Kosovës, policia dhe ushtria e Kosovës janë më të forta se kurrë më parë, Kosova është një nga vendet me rritjen më të madhe ekonomike e ngritjen më të lartë demokratike. Këto janë të vërtetat e popullit që s’ka portal e analist që t’i shtrembërojë.”

“Të gjitha komunat në Republikën e Kosovës janë anëtare të Asociacionit të Komunave të Kosovës. Komuna e fundit që është anëtarësuar aty është komuna veriore e Mitrovicës më 22 gusht 2023. E falënderoj kryetarin Erden Atiqi, që është me neve këtu sonte, bashkë edhe me kryetarin e Leposaviqit, Lulzim Etemin, për këtë iniciativë të kurorëzuar suksesshëm. Asociacioni i Komunave të Kosovës është plotësuar e kompletuar”, nënvizoi kryeministri Albin Kurti.

Në vazhdim të fjalës së tij, kryeministri Kurti theksoi se rritja e ekonomisë, shpërndarja e mirëqenies dhe shtrirja e sovranitetit janë ardhmëria e dëshiruar që tashmë po ndodh, duke shtuar edhe se kjo dekadë është e Mitrovicës dhe e VETËVENDOSJE!-s, e ky shekull është i Republikës dhe i shqiptarëve.

“E luftuam me shumë sukses krimin e organizuar dhe korrupsionin, u mbyllën dhjetëra laboratorë të drogës e prodhime ilegale të kriptovalutave, u mbyllën dhjetëra rrugë ilegale e u vendos rend në çdo cep të territorit të vendit. E tash, në veri të Kosovës, edhe paguhet energjia elektrike që konsumohet, edhe janë shuar strukturat ilegale të Serbisë, e kriminelët e tyre, nëse s’janë vrarë, ose janë në burg ose janë arratisur jashtë prej vendit tonë”, theksoi kryeministri Albin Kurti.

Në vijim, ai shtoi se me qeverisjen tonë, buxheti për komuna është rritur me 44%, sepse duam t’i ndihmojmë qytetarët tanë në çdo komunë. Po ashtu, foli edhe për rritjen e pagave përgjatë këtij 4-vjeçari, duke premtuar se paga minimale do të shkojë mbi 500 euro.

Në fjalën e tij përballë qytetarëve të Mitrovicës, kryeministri Kurti përmendi edhe kryetarin e kësaj komune, i cili si Guvernator i BQK-së nuk u mor fare me dinarin serb si mjet pagese, por edhe kur ishte Ministër i Financave nuk u kujtua që ka nëna lehona e fëmijë që kanë nevojë për mbështetje financiare. Ai e ftoi publikisht atë që të shkojë në veri, në zyrën e kryetarit të komunës veriore, Erden Atiqit, të cilit nuk ia uroi as fitoren. “Edhe atje është Republika e Kosovës”, theksoi kryeministri Kurti.

Ai premtoi se do të ndërtojmë spital të ri në Mitrovicë dhe Ferizaj, e sa i përket Trepçës, tha se asaj ia kemi kthyer terminalin rajonal dhe se do ta fusim nën ombrellën e Fondit Sovran, si dhe do t’ia zgjerojmë prodhimin përmes hapjes së punishteve të reja të nxjerrjes së zejes, duke ia rikthyer edhe industrinë e plumbit dhe të zinkut. Njëkohësisht, foli edhe për përfundimin e rrugës Mitrovicë-Prishtinë dhe stadiumit “Adem Jashari” në Mitrovicë.

Sa i përket votës së diasporës, kryeministri Albun Kurti bëri thirrje që nga jashtë Kosovës të votojnë sa më parë e pa u vonuar, ata të cilët kanë bërë regjistrimin, e më datën 8 shkurt të votojnë ata që janë regjistruar për votim në ambasada e konsullata.

“Në mbrëmjen e 9 shkurtit, nga kutitë e votimit, në diasporë dhe Kosovë, të shpërthejnë 500 mijë zemra për fitoren më të madhe, historike, rekord e të paparë në Kosovën e pasluftës”, tha kryeministri Albin Kurti, duke e përmbyllur këtë tubim të mrekullueshëm në Mitrovicë, që shënoi edhe një hap më shumë e më afër fitores së madhe, që mban numrin 118, njofton LVV.

Mitrovica ka qenë komuna ku kandidati për kryeministër nga Lëvizja Vetëvendosje, Albin Kurti, ka mbajtur tubimin e radhës. Derisa foli për rëndësinë e qeverisjes së tij dhe për një mandat 4-vjeçar, Kurti tha se askush nuk mund ta shtrembërojë realitetin e ri të Mitrovicës.

Ai theksoi se përmirësimi i mirëqenies së qytetarëve dhe zhvillimi ekonomik tashmë është duke u forcuar.

"Ekonominë ne e morëm me pak se 7 miliardë vlerë. Jemi qeveria e parë që e çon mandatin deri në fund… Investimet kapitale kanë shënuar ngritje mbi 600 milionë dhe punësimi i të rinjve mbi 400 mijë…”, tha mes tjerash Kurti.

Ai tutje tha se janë duke punuar për zhvillimin e vendit, derisa kërkoi besimin e qytetarëve që të vazhdojnë projektet edhe më tutje.

"Qeveria jonë e juaj është e para që në sektorin publik i rriti pagat, dy herë pagën minimale, dhe në mandatin e ardhshëm do të rritet mbi 500 euro e ajo nuk do të tatohet. Përveç faturave të energjisë, po tatimohet edhe tatimi mbi pronë dhe gjërat po bien në vend të vetin, dhe na duhet edhe një mandat për të siguruar gjithë këtë punë", deklaroi ai.

Kurti tha se do të investojë miliarda euro për të fuqizuar ushtrinë.

“Në mandatin e ardhshëm do të ndajmë 1 miliard euro për ushtrinë e Kosovës… infrastrukturë e burime njerëzore, dronë Bajraktar dhe do të bëjmë fabrikën e municionit dhe helikopterë”, theksoi ai.

Albin Kurti po ashtu ka premtuar edhe rritje të buxhetit për barna esenciale dhe do të rrisë fondin për subvencionim të qytetarëve jashtë institucioneve publike. Ai premtoi edhe punësim për të rinjtë përmes projektit "Super Puna", të cilës do t'i shtohet edhe masa "Super Puna për Gra".

Kryeministri Albin Kurti në Mitrovicë: Ne e kemi ndihmuar vazhdimisht komunën jugore të Mitrovicës edhe komunën veriore të Mitrovicës, por a e dini çfarë, të dashur qytetarë? Kandidati për kryeministër i PDK-së dhe kryetari i komunës këtu, një mandat si Guvernator i Bankës Qendrore të Kosovës, nuk u mor fare me dinarin serb si mjet pagese. Dhe jo vetëm kaq! Kryetari i komunës jugore këtu, përveç se që ka qenë Guvernator për një mandat, ka qenë edhe dy herë ministër i Financave. Dhe gjatë këtyre dy herave që ka qenë ministër i Financave, nuk u kujtua asnjëherë se në këtë vend ka nëna lehona dhe fëmijë që kanë nevojë për mbështetje financiare nga shteti. E sikur kjo të mos mjaftonte, ky kryetar i komunës jugore të Mitrovicës, kur i ka fitu zgjedhjet në veri të Mitrovicës Erden Atiqi i VETËVENDOSJE!-s, nuk ja ka uru fitoren, nuk ja ka uru fitoren dhe as nuk ka shkuar asnjëherë në zyrë ta vizitojë. Prandaj, kryetarin e komunës jugore të Mitrovicës këtu, unë e ftoj publikisht që të shkoj në veri e të pijë kafe te kryetari i komunës veriore të Mitrovicës Erden Atiqi. E ftoj publikisht, e ftoj publikisht Bedri Hamzën që të kaloj Ibrin e të shkoj te Erden Artiqi se edhe atje është Kosovë, edhe ajo është Republika e Kosovës.