Bekim Brestovci është drejtor i shërbimeve publike në Komunën e Prishtinës. Ai mori këtë pozitë vetëm një vit më parë.
Përveҫ kësaj, Brestovci njihet edhe për bizneset e shumta në Kosovë dhe Gjermani.
Duke qenë në këtë pozitë punë, Brestovci ka deklaruar pasurinë e tij në Agjencinë për Parandalimin e Korrupsionit. Te pasuria e paluajtshme ai ka deklaruar se posedon 3 shtëpi, 6 banesa, kafiteri, zyra, ara e pyje, të gjitha në vlerën mbi 2 milionë e 900 mijë euro, afërsisht 3 milionë euro.
Ndërkaq deklaron se posedon një veturë smart në vlerën 12 mijë euro. Mbi 20 mijë euro janë aksionet e tij në tri kompani të ndryshme.
Mbi 200 mijë euro janë kursimet e tij në banka, derisa një pjesë nga to i mban në bankat në Gjermani.
Këtë pasuri në total biznismeni Brestovci e ka deklaruar të gjithën në emër të tij.
Ndërkaq kujtojmë se, sa i përket jetës private, ai pak kohë më parë bëri të ditur se është fejuar me këngëtaren Angelina.
