LIVE: Numërohen mbi 90% e votave – LVV fituese e padiskutueshme - këto janë rezultatet e fundit nga KQZ

Ka përfunduar numërim i votave për subjektet politike në Komunën e Vushtrrisë, ku sipas rezultateve të KQZ-së, prindin Lëvizja Vetëvendosje me 17725 vota ose 52.59 %, e pasuar nga PDK me 8681 vota ose 25.76 %, LDK me 3793 vota ose 11.25 %.

Ndërsa, Koalicioni për Familje për familjen ka marrë më shumë se AAK.

Sipas rezultateve preliminare të KQZ-së, ky koalicion ka marrë 1091 vota ose 3.24 %. Kurse, AAK-Nisma 966 vota ose 2.87 %.

Përndryshe, në vitin 2021, LVV ka marrë 61,50%, PDK 19,4%, LDK 9,8%, AAK 2,5 %.

Nga KQZ, kanë njoftuar se deri tani janë numëruar 94.05 për qind e votave.

Renditja e partive politike:

LVV – 41.14%

PDK – 22.42%

LDK – 17.66%

AAK-NISMA – 7.48%

Ka përfunduar numërimi i rezultateve preliminare për zgjedhjet parlamentare për komunën e Fushës Kosovës.

Sipas KQZ-së, Lëvizja Vetëvendosje ka dalë e para në këtë komunë me 45.75 për qind ose 10 mijë e 471 vota, Partia Demokratike e Kosovës (PDK) e dyta me 20.23 për qind ose 4 mijë e 629, ndërsa e treta LDK me 19.40 për qind ose 4 mijë e 440 vota.

Ndërsa, AAK-ja në Fushë Kosovë ka fituar 2.71 për qind.

Në vitin 2021, LVV në Fushë Kosovë kishte fituar 56,59 për qind ose 11 mijë 371 vota, LDK-ja 15,82 për qind ose 3 mijë e 179 vota, PDK-ja 13,37 për qind ose 2 mijë e 688 vota.

Komisioni Qendror i Zgjedhjeve po vazhdon me publikimin e rezultateve nga votat për subjektet politike. Deri më tani janë publikuar 92.18% e votave të numëruara, në bazë të të cilave, del se opozita ka më shumë vota se sa Lëvizja Vetëvendosje.

Derisa LVV me Listën Guxo dhe Alternativen kanë marrë 318286 vota ose 40.94 %, PDK ka marrë 174639 vota ose 22.46 %, LDK 137302 vota ose 17.66 %, AAK-Nisma 58470 ose 7.52 % të vota.

Zgjedhjet parlamentare janë mbajtur të dielën më 9 shkurt. 

Deri tani janë numëruar 93.25 për qind e votave, kjo sipas të dhënave të KQZ-së, përcjell “Bota sot”.

Renditja e partive politike:

LVV – 41.01%

PDK – 22.46%

LDK – 17.66%

AAK-NISMA – 7.51%

KQZ ka bërë një përditësim të ri së fundmi nga të dhënat e procesuara nga ora 12:35.

Me 92.18% të votave të numëruara, LVV tani ka 40.94% të votave, e ndjekur nga PDK me 22.46%.

LDK renditet e treta me 17.66%, kurse AAK e katërta me 7.52%.

Lëvizja Vetëvendosje e Albin Kurtit po prin me 40.96 për qind apo 316.016 vota të fituara në zgjedhjet parlamentare të 9 shkurtit.

Ky rezultat preliminar i publikuar nga Komisioni Qendror i Zgjedhjeve bazohet në numërimin e 91.47 për qind të vendvotimeve. Në këtë numërim nuk përfshihen votat me kusht, të personave me nevoja të veçanta dhe votat nga jashtë vendi, të cilat do të numërohen më vonë.

Partia e dytë është Partia Demokratike e Kosovës me 22.42 për qind apo 172.953 vota, pasuar nga Lidhja Demokratike e Kosovës me 17.62 për qind apo 135.976 vota të fituara.

Koalicioni Aleanca për Ardhmërinë e Kosovës, Nisma, Konservatorët dhe Intelektualët kanë fituar 7.56 për qind apo 58.307 vota.

Ndërkaq, Lista Serbe – partia kryesore e serbëve të Kosovës që gëzon mbështetjen e Beogradit zyrtar – ka fituar 3.95 për qind apo 30.440 vota.

Në orët e para të 10 shkurtit, udhëheqësi i LVV-së, njëherësh kryeministri aktual, Albin Kurti, shpalli fitoren në zgjedhje.

Ai iu tha simpatizantëve të partisë së tij të mbledhur në sheshin kryesor të Prishtinë se “do t’i vazhdojmë punët e mira që i kemi nisur në katërvjeçarin e kaluar dhe do të bëjmë shumë punë të tjera”.

PDK-ja është shprehur e lumtur me rezultatin zgjedhor, duke e quajtur “rezultat të madh”. Ndërkaq, kreu i LDK-së, Lumir Abdixhiku, gjatë në paraqitje para mediave më 9 shkurt tha se ndonëse nuk është rezultati që ky subjekt ka pritur, do ta respektojnë.

Lista Serbe që ishte në garë me pesë parti të tjera nga radhët e komunitetit serb për dhjetë ulëset e garantuara në Kuvendin e Kosovës për këtë komunitet, tha se i ka fituar të dhjetë ulëset.

Megjithatë, njohësit e çështjeve politike thanë se ky rezultat preliminar krijon një situatë të paqartë lidhur me ndarjen e ulëseve në Kuvendin e Kosovës, por edhe kush do të jetë pjesë e ekzekutivit të ri.

LVV-ja gjatë fushatës ka përjashtuar mundësinë e formimit të koalicioneve paszgjedhore me partitë aktuale opozitare. LDK-ja dhe AKK-ja kanë përjashtuar mundësinë e bashkëpunimit me partinë e Kurtit, ndërkaq PDK-ja nuk ka paraqitur “vija të kuqe” për koalicionet e mundshme paszgjedhore./REL

Janë numëruar 95 për qind e votave në komunën e Vushtrrisë.

Nga të dhënat e KQZ, kuptohet se LVV ka shënuar një fitore bindëse në Vushtrri me 52 për qind, pasuar nga PDK me 25 për qind, përcjell “Bota sot”.

Renditja e partive politike:

LVV – 52.55%

PDK – 25.68%

LDK – 11.10%

Koalicioni për Familje – 3.33%

Grafika

Komisioni Qendror i Zgjedhjeve ka njoftuar se në orët e hershme të mëngjesit është tejkaluar problemi për publikimin e rezultateve preliminare për subjektet politike nga procesi i votimit më 9 shkurt.

Siç tha zëdhënësi i KQZ-së, Valmir Elezi, të dhënat po shfaqen pa ndonjë pengesë në platformën e rezultateve dhe deri më tani janë procesuar rreth 90% e vendvotimeve.

“Mediat dhe qytetarët mund t’i referohen këtyre të dhënave që po shfaqen në platformën elektronike.

Gjatë gjithë natës, KQZ ka verifikuar rezultatet që kanë arritur në platformën elektronike duke i krahahsuar me të dhënat nga formularët e rezultateve të subjekteve politike që janë plotësuar në vendvotime pas numërimit të fletëvotimeve”, tha ai.

Deri tani janë numëruar 90.13% e votave.

Nga të dhënat e KQZ, bëhet e ditur se nga 2.533 vendvotime, janë numëruar gjithsej 2.283, përcjell “Bota sot”.

Renditja e partive politike:

LVV – 41.00%

PDK – 22.37%

LDK – 17.57%

AAK-NISMA – 7.56%

Komisioni Qendror i Zgjedhjeve ka përfunduar numërimin e mbi 79.76% të votave në Komunën e Lipjanit.

Sipas rezultateve të publikuara deri tani, Lëvizja Vetëvendosje (LVV) udhëheq me 38.88% të votave, duke ruajtur pozitat e para në këtë komunë.

Pas saj renditet Lidhja Demokratike e Kosovës (LDK) me 27.72% të votave.

Rezultatet

Ndërsa Partia Demokratike e Kosovës (PDK) ka marrë 24.00%.