LIVE: Numërohen 98% e votave – LVV fituese e padiskutueshme - këto janë rezultatet e fundit nga KQZ

Komisioni Qendror i Zgjedhjeve ka njoftuar se në orët e hershme të mëngjesit është tejkaluar problemi për publikimin e rezultateve preliminare për subjektet politike nga procesi i votimit më 9 shkurt.

Siç tha zëdhënësi i KQZ-së, Valmir Elezi, të dhënat po shfaqen pa ndonjë pengesë në platformën e rezultateve dhe deri më tani janë procesuar rreth 90% e vendvotimeve.

“Mediat dhe qytetarët mund t’i referohen këtyre të dhënave që po shfaqen në platformën elektronike.

Gjatë gjithë natës, KQZ ka verifikuar rezultatet që kanë arritur në platformën elektronike duke i krahahsuar me të dhënat nga formularët e rezultateve të subjekteve politike që janë plotësuar në vendvotime pas numërimit të fletëvotimeve”, tha ai.

Deri tani janë numëruar 90.13% e votave.

Nga të dhënat e KQZ, bëhet e ditur se nga 2.533 vendvotime, janë numëruar gjithsej 2.283, përcjell “Bota sot”.

Renditja e partive politike:

LVV – 41.00%

PDK – 22.37%

LDK – 17.57%

AAK-NISMA – 7.56%

Komisioni Qendror i Zgjedhjeve ka përfunduar numërimin e mbi 79.76% të votave në Komunën e Lipjanit.

Sipas rezultateve të publikuara deri tani, Lëvizja Vetëvendosje (LVV) udhëheq me 38.88% të votave, duke ruajtur pozitat e para në këtë komunë.

Pas saj renditet Lidhja Demokratike e Kosovës (LDK) me 27.72% të votave.

Rezultatet

Ndërsa Partia Demokratike e Kosovës (PDK) ka marrë 24.00%.

Deri tani janë numëruar 89.62% e votave.

Nga të dhënat e KQZ, bëhet e ditur se nga 2.533 vendvotime, janë numëruar gjithsej 2.270, përcjell “Bota sot”.

REZULTATET LIVE

Renditja e partive politike:

LVV – 41.07%

PDK – 22.31%

LDK – 17.58%

AAK-NISMA – 7.60%

Janë numëruar mbi 90 për qind e votave në Gjakovë.

Nga të dhënat e publikuara nga KQZ, parti e parë në këtë qytet del të jetë LVV me 47për qind, e që pasohet nga AAK me 19 për qind dhe LDK me 16 për qind, përcjell “Bota sot”.

Renditja e partive politike:

LVV – 47.15%

AAK – 19.70 %

LDK – 16.68%

PDK – 10.23%

Grafika

Në Prizren, janë numëruar 91 për qind e votave.

Në të dhënat e publikuara nga KQZ, fituese në këtë qytet del të jetë LVV me 40 për qind, e që pasohet nga PDK me 22 për qind dhe LDK me 10 për qind, përcjell “Bota sot”.

Renditja e partive politike:

LVV – 40.78%

PDK – 22.85 %

LDK – 10.66%

AAK – 4.77%

Grafika

Jo vetëm në Mitrovicë, LVV po e mposht PDK-në edhe në Ferizaj.

Kur janë numëruar rreth 90 për qind e votave, LVV numëron gjithsej 51 për qind, kurse PDK 27 përqind, raporton “Bota sot”.

Renditja e partive politike:

LVV – 51.01%

PDK – 27.53 %

LDK – 12.82%

AAK – 3.22%

Grafika

Deri tani në Mitrovicë deri tani janë numëruar 89 për qind të votave.

Kandidatit për kryeministër nga radhët e PDK-së, Bedri Hamza po mposhtet nga kandidati për kryeministër nga radhët e LVV, Albin Kurti, raporton “Bota sot”.

Renditja e partive politike:

LVV – 56.23%

PDK – 30.81 %

LDK – 6.31%

Lista për familje – 3.37%

Grafika

LVV edhe në Prishtinë po prin për nga numri i votave, ku nga 94.19% e votave të numruara, ka 46.80%.

Kurse, e dyta është LDK me 25.54%, raporton "Bota sot".

Renditja e partive politike:

LVV – 46.80%.

LDK – 25.54%

PDK – 18.43 %

Lista për familje – 4.23%

Grafika

Në komunën e Pejës janë numëruar 80% e votave elektorale.

Nga rezultatetet e deritashme, parti e parë është LVV me 41%, derisa befason LDK me vetëm 28 për qind, pavarësisht se kandidat për deputet ishte edhe kryetari i kësaj komune Gazmend Muhaxheri, përcjell “Bota sot”.

Renditja e partive politike:

LVV – 41.37%

LDK – 28.01%

AAK – 12.74 %

PDK – 10.11%

Grafika