Komisioni Komunal i Zgjedhjeve në Ferizaj ka përgatitur gjithsejtë 49 qendra të votimit në të cilat janë planifikuar gjithsejtë 119 mijë e 97 votues sipas listave zgjedhore.
Përgatitjet janë bërë me kohë dhe procesi ka nisur pa telashe. Shaban Rexha, përfaqësues i Komisionit Komunal të Zgjedhjeve në Ferizaj, ka thënë se janë përgatitur të gjitha dokumentet e nevojshme dhe procedurat tjera për mbajtjen e zgjedhjeve.
“Të gjithë ekipet janë trajnuar sipas planifikimeve dhe kanë zënë pozitat e tyre nëpër qendra të votimit.
Kemi gjithsejtë 119 mijë e 97 votues në Komunën e Ferizajt me 49 qendra të votimit dhe me një qendër me kusht. Te numri i votuesve kemi në listë të regjistruar edhe nga diaspora”, ka thënë ai.
