Gazetari Gëzim Mekuli ka kritkuar ashpër opozitën e cila sipas tij, ka pasur retorikë pamore gjatë fushatës zgjedhore.
“Fotografitë dhe retorika pamore nuk kanë ndikuar te votuesit e partive LDK, PDK dhe AAK, sepse ato nuk adresojnë problemet reale që kanë dëmtuar besimin e qytetarëve”, shkruan ai.
Shkrimi i plotë:
Retorika e pamore e LDK-së, PDK-së dhe AAK-së
Qe disa arsye pse nuk mjafton vetëm një qasje me fotografi ose reklama pamore për të fituar besimin e votuesve, veçanërisht kur ekzistojnë sfida serioze në majat e një partie politike:
- Votuesit e partive si LDK, PDK dhe AAK kanë një histori të gjallë për korrupsionin dhe dështimet politike të kokave të tyre. Fotografitë e mbushura me turli flamuj, tubime të mëdha apo retorikë patriotike, nuk janë të mjaftueshme për të ndryshuar perceptimin negativ të popullit që i lidhin këto parti me të kaluarën e tyre të zezë.
Votuesit i shohin këto fotografi si një mjet për të fshehur dështimet e kaluara dhe për të shmangur përgjegjësinë partiake. Ncuk! Një fotografi nuk mund të fshijë vitet e stagnimit, korrupsionit dhe marrëveshjeve të dëmshme me Serbinë.
- Fotografia nuk pasqyron realitetin: Fotot mund të krijojnë një iluzion të masivitetit dhe përkrahjes, por nuk zgjidhin problemet reale të qytetarëve. Ato janë një mjet sipërfaqësor që nuk adreson çështje të thella si papunësia, varfëria, arsimi ose shëndetësia.
- Mosbesimi për shkak të së kaluarës së korruptuar: Nëse një parti ose lider ka qenë i përfshirë në korrupsion apo marrëveshje të dëmshme për vendin, asnjë reklamë pamore nuk mund ta rikthejë besimin e humbur. Votuesit duan veprime konkrete dhe rezultate të prekshme, jo fasadë, jo përralla.
- Lidhjet me krimin e organizuar: Nëse lidershipi i një partie ka pasur lidhje me krimin e organizuar, kjo krijon një hije të rëndë mbi imazhin e saj. Publiku nuk bindet nga fushata të shtrenjta mediatike, por kërkon që liderët të distancohen qartë dhe publikisht nga çdo lidhje e me dështimet poltike/ekonomike.
- Marrëveshjet e dëmshme në të kaluarën: Vendime si nënshkrimi i marrëveshjeve që kanë dëmtuar interesat kombëtare (p.sh., Asociacioni i komunave me shumicë serbe apo falja e territorit Malit të Zi) janë çështje që kërkojnë përgjegjësi, distancim dhe reflektim. Me fotografi nuk mundet të mbulohen këto veprime kundër integritetit të Kosovës.
- Shpenzime të dyshimta: Reklamat dhe fushatat e shtrenjta, sidomos kur fondet mund të vijnë nga burime të dyshimta dhe nga oligarkë që e kanë zhvatë Kosovën tonë të varfë; këto fotografi vetëm sa e thellojnë mosbesimin e qytetarëve. Votuesit kërkojnë transparencë dhe përgjegjësi financiare. Ku i morët gjithë ato miliona euro?
- Fotografitë nuk adresojnë çështjet thelbësore: Qytetarët kanë nevojë për përgjigje mbi pyetje si: Si do të përmirësohet ekonomia? Si do të luftohet korrupsioni? Si do të sigurohen të drejtat e qytetarëve? Pse Asociacioni një-etnik? Pa këto përgjigje, çdo retorikë vizuale është bosh.
E pra, fotografitë dhe retorika pamore nuk kanë ndikuar te votuesit e partive LDK, PDK dhe AAK, sepse ato nuk adresojnë problemet reale që kanë dëmtuar besimin e qytetarëve. Ncuk! Për votuesit, një fotografi nuk është i mjaftueshëm për të fshirë korrupsionin, marrëveshjet e dëmshme me Serbinë dhe mungesën e rezultateve konkrete.
Votuesit e Kosovës kërkojnë përmbajtje, programe reale dhe udhëheqës të ndershëm, dhe derisa këto parti të ofrojnë reforma të thella dhe distancim nga e kaluara problematike e tyre, retorika pamore do të mbetet thjesht një fasadë pa ndikim.
A e patë? As flamujt amerikanë, as të BE-së, as të Tanzanisë e as fotografia e paguar shtrenjtë me Grenellin, nuk ju nxori dot nga lloqi. Ncuk!
