Aktori Çun Lajçi i çon mesazh Albin Kurtit, që të mendohet mire se me kë po e bën qeverinë.
Edhe pse Lajçi e kishte kritikuar Grenellin më herët, fjalët e tij i vërtetoi e komisionerja evropiane e tha se që Grenell ka bërë ndërhyrje flagrante në zgjedhjet e shkurtit.
Postimi i plotë:
Mendohu mirë e mirë, Albin, se si dhe me kë po e bën qeverinë!
“… Çudia më e madhe ndodhi kur një kauboj që loboi për Vuçiqin (me pagë të majme, kuptohet) dhe mori ‘Urdhrin e Flamurit’, doli e tha:
– Kurti është prishur me Amerikën e Evropën, mos i besoni, ai është mashtrues, mos e votoni!”
*
Kështu shkrova për Grenellin, dhe njerëzit e papunë, ata që rrinë duke bërë sehir në Facebook, s’lanë gjë të zezë pa thënë për mua:
– O plakush, o matuf, o m*t! Si flet ti kundër Amerikës? Si guxon t’i thuash kauboj Grenellit? Ku e di ti se ai lobon për Vuçiqin?
Tani që ua tha edhe kjo zonja komisionere e Evropës – që Grenell ka bërë ndërhyrje flagrante në zgjedhjet e shkurtit, duke thirrur që të mos votohet Albini – sigurisht se këta “patriotët” e Facebook-ut do t’i lëvarin veshët, bishtin do ta fusin nën bark dhe do të mërmërisin:
– Ajo është evropiane, asaj i besojmë… por jo artistit, se ai na i thotë të vërtetat që na djegin, e ne duam të mashtrohemi me gënjeshtra!
Mirë që ua paskam thënë, edhe pse nuk më erdhi mirë që më thirrën me lloj-lloj emrash, por e dija se të vërtetën shqiptari nuk e do! Është mësuar me rrena që kur u kurdis kjo botë!
- Mendohu mirë e mirë, Albin, se si dhe me kë po e bën qeverinë!
Se prapë do të flasin shqiptarët – ata që fare s’kanë dalë në votime – dhe do ta kërkojnë qimën në ve e gjilpërën në kashtë!
12.02.2025
