Presidentja Osmani takoi Presidentin e Letonisë, Edgars Rinkeviçs. Ajo tha se Kosova dhe Letonia janë të paluhatura në angazhimin për siguri, paqe dhe vlerat që na bashkojnë.
Presidentja e Republikës së Kosovës, Vjosa Osmani është takuar me Presidentin e Letonisë, Edgars Rinkēvičs në Konferencën e Sigurisë në Mynih.
“Takim i shkëlqyer me Presidentin e Letonisë, Edgars Rinkeviçs në Konferencën e Sigurisë në Mynih. Si dy shtete në frontin e parë të ruajtjes së demokracisë, Kosova dhe Letonia janë të paluhatura në angazhimin për siguri, paqe dhe vlerat që na bashkojnë”, ka shkruar Osmani.
Ajo është shprehur mirënjohëse për mbështetjen e palëkundur të Letonisë në rrugëtimin tonë euroatlantik.
