I ftuar në DPT te Fidani, ish i burgosuri politik, Nait Hasani tregoi se si e nisi sot ditën festive të Pavarësisë së Kosovës.
Hasani tregoi se sot takuan bashkëluftëtar, veteranë, politikanë, ushtarë e policë.
“Sot me mëngjes kemi qenë pjesë e kuvendit të Komunës së Prizrenit për festën e Pavarësisë, në ora 10 kemi qenë tek varrezat e dëshmorëve në Landovicë, kemi taku bashkëluftëtarët, veteranë, ish të burgosur, politikanë, ushtarë e polic.
Ai tutje shtoi:“Kemi qenë te ata që e kanë dhënë jetën për këtë vend, kemi qenë që të pakten ditën e sotshme të kemi atë ndjenjën e frymëzimit të shokëve tanë që kanë ra në fushëbeteja”
“Kur shkon e sheh varrin e Tahir Sinanit, Remzije Ademajt, Drinit, dhe 160 dëshmorëve ne Landovicë i kupton përpjekjet që janë bë deri te shpallja e Pavarësisë”, tha Hasani.
