Një debat i ashpër është zhvilluar në “Politiko” në mes të gazetarit, Branislav Kërstiq dhe komentatorit politik, Blerim Gashi lidhur me mosvendosjen e flamujve kosovarë më 17 shkurt në rrugët kryesore në veri.
Kërstiq ka thënë se pushteti lokal është dashur që t’i vendosë flamujt e shtetit të Kosovës në rrugët kryesore.
“Pushteti juaj aktual z.Gashi, kreu i Vetëvendosjes dhe kryetarët e komunave në veriun e vendit janë tu rrejt qytetarët e Republikës së Kosovës. Pse për ditën e pavarësisë nuk e kanë vendos flamujt e shtetit të Kosovës në rrugët kryesore”, ka thënë Kërstiq.
Megjithatë, Gashi ka theksuar se vendosja e flamujve do të ngjallte reagim tek serbët, të cilët do të thonin se po provokohen nga pushteti.
Në debat e sipër, Gashi e ka pyetur Kërstiqin se pse ai personalisht nuk e ka vendosur flamurin e Kosovës, teksa Kërstiqi ka thënë se nuk e ka atë fuqi.
“Po hyp se të vrava e zhdryp se të vrava. Me i pas qitë pushteti lokal flamujt, po e shoh reaksionin ovoje provokacija. S’i ka qitë pse s’i qiti. A e ke qitë ti Bane flamurin e Republikës së Kosovës”, ka thënë Gashi.
“Nuk kemi fuqi me ngjitë flamurin e Kosovës”, ka thënë Kërstiq.
“Boll ki fuqi, me ngjit aty me dy penj”, ka thënë Gashi.
