Një 15-vjeçar ka dorëzuar një kuletë në polici pasi e kishte gjetur atë me disa të holla në Qendrën e Skijimit në Brezovicë.
Sipas policisë, dy ditë më parë, një qytetar, O.O, 15 vjeç, ka gjetur një portofol në Qendrën e Skijimit në Brezovicë, brenda të cilit ndodhej një shumë e caktuar parash. Policia njofton se 15-vjeçari menjëherë e ka dorëzuar portofolin tek zyrtarët policorë.
“Sot, më 24 shkurt 2025, në stacionin e policisë është paraqitur pronari i portofolit për ta marrë atë. Pas kryerjes së procedurave të verifikimit, portofoli iu kthye pronarit”, njofton policia.
Drejtoria Rajonale e Policisë në Ferizaj shpreh mirënjohje për qytetarin, O. O, duke e vlerësuar këtë gjest si një akt human dhe shembullor, që pasqyron standarde të larta të integritetit dhe përgjegjësisë qytetare
