​Policia me aksion në veri/ ​Sveçla: Ende ka pjesëtarë të dy organizatave terroriste në Kosovë

Armë, municion, sasi eksplozivi dhe uniforma ushtarake janë prezantuar pasditen e së premtes nga drejtoria rajonale e policisë në veri. Të gjitha këto janë konfiskuar pas një operacioni policor në fshatin Rodel të Leposaviqit, të cilat tregojnë për uniforma ushtarake të ish-Jugosllavisë, një prej tyre me mbishkrime edhe të "Mbrojtjes Civile", e shpallur si organizatë terroriste nga Qeveria e Kosovës.

Në konferencë të jashtëzakonshme për media, u tha se operacioni po vazhdon dhe se një person është duke u intervistuar.

Ministri i Punëve të Brendshme, Xhelal Sveçla ka bërë të ditur se organizatat e shpallur terroriste nga institucionet vendore po vazhdojnë të veprojnë në Kosovë.

Sveçla: Strukturat e mbrojtjes civile vazhdojnë të jenë aktive në Kosovë

"Janë zbuluar uniforma të ndryshme, pajisje ushtarake, armë dhe municion të ndryshëm por edhe dokumentacione të cilat dëshmojnë se realisht strukturat paralele të mbrojtjes civile vazhdon të jetë aktive në territorin e Kosovës. Ky zbulim ka ndodhur disa kilometra brenda kufirit Kosovë-Serbi, në fshatin Rodel. Ne në vazhdimësi po zhvillojmë aksione, të cilat kanë për qëllim që të sigurojnë qetësi, rend dhe ligj në çdo pjesë të territorit të Kosovës, të përkushtuar që Policia e Kosovës dhe gjitha institucionet tjera, me efikasitetin dhe profesionalizmin e saj t'i shërbejë rend dhe ligj", tha ai.

Para mediave, Sveçla shtoi se Serbia po vazhdon të strehojë terroristë serbë.

Sveçla: Serbia vazhdon të strehojë terroristin Millan Radojiqiq

"Në anën tjetër, Serbia vazhdon të strehojë terroristin Millan Radojiqiq i cili është kupolla e gjithë këtij organizimi, i cili po mundohet që mbetjet e grupeve terroriste të vazhdojë t'i mbajë të gjallë qoftë në territorin e Serbisë, ashtu edhe brenda territorit të Kosovës. Ne ju bëjmë ftesë të gjithë atyre që kanë qenë pjesë e këtyre grupeve terroriste të dorëzohen, që të dorëzojnë pajisjet, armët dhe mjetet tjera luftarake në mënyrë që t'i kthehet jetës normale dhe që të bëhen pjesë integrale e shoqërisë", shtoi ai.

Drejtori i Policisë së Kosovës, Gazmend Hoxha tha se gjatë punës operative në terren është marrë informacioni se në fshatin Rodel të Leposaviqit, në një shtëpi të pabanuar ka armë dhe municion.

Hoxha: Operacioni është akoma duke vazhduar

"Drejtoria rajonale e Policisë në veri gjatë punës së saj operative në terren, ka marrë një informacion se në fshatin Rodel të komunës se Leposaviqit, ne një shtëpi ta pabanuar mund të ketë armë dhe municione. Ne orën 12:00 njësitë policore, sipas Kodit të Procedurës Penale kanë intervenuar dhe kanë vërejtur një sasi të municionit dhe armatimit, me urdhrin e të cilit janë sekuestruar provat materiale nën dyshimin e veprës penale "mbajtje në pronësi dhe posedim të paautorizuar të armëve". Operacioni është akoma duke vazhduar. Aktualisht kemi shoqëruar në Stacioni Policor një person i cili është duke u intervistuar", tha Hoxha.

Drejtori i Policisë ka shpalosur listën e provave të sekuestruara nga njësitet policore në Rodel të Leposaviqit.

Hoxha: Mbetjet nga organizata terroriste tentojnë ta minojnë rendin kushtetues

"Një pushkë një tytëshe, kondakt pushke, 19 fishekë për pistoletë, një çantë me 45 fishekë për armë të gjatë, një palë dylbi për snajper, një çantë me katër karikatorë të zbrazët dhe një kuti me vaj. Pajisje për pastrimin e armës, dy gaz maska, pajisje ushtarake për ushqim, çantë për ndihmë të parë, qese për pajisje dhe ndihmë te parë, dy vula, literaturë të ndryshme, çantë me dokumente, substanca të fyshuara të eksplozivit, telefona, substancë e dyshuar e eksplozivit, dylbi, dy shigjeta, substance e dyshuar e eksplozivit, substance e dyshuar e eksplozivit, thike, jaknje me mbishkrime si dhe 31 deri ne 40 uniforma ushtarake të ndryshme. Në mesin e uniformatave të sekuestruara është edhe një uniformë e te ashtuquajturës "Mbrojtja Civile", organizatë e shpallur terroriste nga Qeveria e Kosovës, që tregon se kemi ende mbetje aktive të kësaj organizate që tentojnë të minojnë rendin kushtetues... ekziston mundësia që janë edhe dy armë mungesë, të cilat ne jemi duke punuar po shpresojmë që do i gjejmë edhe dy armët tjera të cilat janë pjesë e këtij materiali të sekuestruar", shtoi Hoxha në konferencë për media.

Lidhur me substancat e dyshuara për eksplozivë, Hoxha tha se janë marrë mostrat dhe janë duke u bërë analizat e saj.

Në anën tjetër, ministri i Punëve të Brendshme, Xhelal Sveçla shtoi se Policia e Kosovës është e aftë për t’u përballur me "mbetje" të terroristëve të Mbrojtjes Civile.

Sveçla: Është e qartë se kemi të bëjmë me pjesëtarë të Mbrojtjes Civile

"Është e qartë se kemi të bëjmë me pjesëtarë të Mbrojtjes Civile, të cilët me ligj janë shpallur si organizate terroriste. Kushdo që është pjesë e kësaj organizate është terroristë. Edhe duke qenë se ne për çdo ditë po zbulojmë qoftë armatim dhe uniforma por edhe po arrestojmë pjesëtarë të kësaj organizate, është e qartë se ka ende mbetje të kësaj organizate të brigadës së veriut në Kosovë...mund t’iu them lirisht se Policia e Kosovës është e aftë të përballet me këto mbetje dhe ketë po e dëshmon çdo ditë, nuk jemi të frikësuar, jemi realisht të kujdesshëm se cilido individ apo grupacion që vepron në Kosovë të përballet me Policinë e Kosovës, Prokurorinë dhe gjyqësore dhe të marrë dënimin e merituar", u shpreh ai.

Ai foli edhe për protestat në Serbi dhe ndikimin që mund ta ketë kjo situatë ne Kosovë.

Sveçla: Vuçiq është një diktator

"Vuçiq me instrumentet e saj është një diktator i cili për interesat të tyre, mbajtjes së pushtetit vazhdon të shtyp popullin e Serbisë por edhe të rrezikojë sigurinë në rajon. Sa më shpejt që Serbia demokratizohet aq më mirë për të gjithë rajonin", shtoi ai.

Sveçla tha se nuk ka asnjë indikacion se ditëve të fundit, grupe të caktuara po përgatiten për sulm. Megjithatë, ai theksoi se aparati shtetëror është i gatshëm për mbrojtjen e territorit dhe sovranitetin e vendit.

Policia e Kosovës ka bërë të ditur se në paraditen e së premtes ka nisur një aksion në fshatin Rodel të Leposaviqit – pas marrjes së informacioneve nga terreni – i cili ka rezultuar me konfiskim të uniformave ushtarake, armëve dhe municioneve, dhe që mbrapa tyre janë pjesëtarë të organizatës, Mbrojtja Civile - e shpallur terroriste nga autoritetet e Kosovës.

Drejtori i Policisë, Gazmend Hoxha, ka thënë se aksioni është duke vazhduar, ndërsa një person është shoqëruar në stacionin policor për t’u intervistuar.

Si Hoxha, ashtu edhe ministri i Brendshëm i Kosovës, Xhelal Sveçla, kanë thënë se konfiskimet dëshmojnë se pjesëtarë të organizatës Mbrojtja Civile vazhdojnë të jenë aktivë në territorin e Kosovës.

“Serbia vazhdon të strehojë terroristin Millan Radoiçiq, i cili është kupola e gjithë këtij organizimi, i cili po mundohet që mbetjet e grupeve terroriste të vazhdojë t'i mbajë të gjalla, qoftë në Serbi, ashtu edhe në Kosovë”, ka thënë Sveçla.

Ai ka thënë se Policia do të kryejë hetime për të kuptuar se kush janë anëtarët e grupit të angazhuar në atë zonë.

“Policia e Kosovës është e aftë për t'u përballur me këto mbetje, dhe këtë po e dëshmon çdo ditë, nuk jemi të frikësuar, jemi të kujdesshëm që çdo grupacion që vepron në Kosovë, të përballet me policinë, prokurorinë dhe gjyqësorin”, ka thënë Sveçla.

Millan Radoiçiq akuzohet nga autoritetet e Kosovës se qëndron mbrapa organizimit dhe kryerjes së sulmit në Banjskë të Zveçanit, në shtator të vitit 2023. Për pasojë është vrarë një zyrtar i Policisë së Kosovës.

Radoiçiq besohet se është i lirë në Serbi.

Çka bën Mbrojtja Civile?

Që nga përfundimi i luftës në vitin 1999, në territorin e Kosovës kanë operuar struktura ilegale, të mbështetura dhe të financuara nga shteti i Serbisë.

Një nga to është edhe Mbrojtja Civile, e cila ka dalë publikisht në vitin 2011.

Atëbotë, disa njerëz me uniforma të zeza, me mbishkrimin “Civilna zashtita” (Mbrojtja Civile), janë parë në rrugët e Mitrovicës së Veriut, duke shkaktuar reagime të shumta në Prishtinë.

Në nëntor të vitit 2012, dhjetëra pjesëtarë të këtij formacioni kanë kryer ushtrime në sheshet kryesore të Mitrovicës së Veriut - komunë e banuar me shumicë serbe.

Një vit më vonë, pjesëtarë të Mbrojtjes Civile janë parë edhe para qendrave të votimit në Mitrovicë të Veriut, por janë larguar nga Policia e Kosovës.

Mbrojtja Civile në Serbi funksionon në kuadër të Ministrisë së Punëve të Brendshme dhe roli i saj është të reagojë në situata emergjente të rrezikut, siç janë përmbytjet, tërmetet e të ngjashme.

Qendra Kosovare për Studime të Sigurisë ka vlerësuar se Mbrojtja Civile është e rrezikshme për sigurinë e Kosovës, pasi që përbëhet nga pjesëtarë që kanë kryer trajnime ushtarake.

Në fillim, organizata ka pasur rreth 500 anëtarë, por ky numër është rritur në mbi 750, më 2013 dhe 2014.

Shuarja e Mbrojtjes Civile është paraparë me një marrëveshje që Kosova dhe Serbia kanë arritur në Bruksel në vitin 2015, në kuadër të dialogut për normalizimin e marrëdhënieve.

Deri në vitin 2016, rreth 500 pjesëtarë të saj janë integruar në institucionet e Kosovës. Por, këto të fundit kanë shprehur vazhdimisht dyshime për vazhdimin e funksionimit të këtij formacioni.

Më 29 maj të këtij viti, tensionet në veri, përkatësisht në Zveçan, kanë kulmuar në dhunë midis protestuesve serbë dhe pjesëtarëve të misionit të NATO-s në Kosovë, KFOR. Dhjetëra të plagosur janë raportuar në të dyja anët.

Më 13 qershor, si i dyshuar për ushtrim të dhunës ndaj KFOR-it dhe vepra të tjera kriminale është arrestuar serbi Millun Millenkoviq, në Mitrovicë të Veriut.

Ministri i Brendshëm i Kosovës, Xhelal Sveçla, ka thënë se Millenkoviqi është udhëheqës i “formacionit kriminal Mbrojtja Civile dhe prijës i bandave kriminale” në veri.

Ministri i Punëve të Brendshme, Xhelal Sveçla deklaroi se Policia e Kosovës është e aftë për t’u përballur me "mbetje" të terroristëve të Mbrojtjes Civile.

"Është e qartë se kemi te bëjmë me pjesëtarë të Mbrojtjes Civile, të cilët janë shpallur si organizate terroriste. Edhe duke qenë se ne për çdo ditë po zbulojmë qoftë armatim dhe uniforma por edhe po arreston, është e qartë se ka ende mbetje të kësaj organizate te brigadës së veriut ne Kosovë", u shpreh ai gjatë një konference për media në veri të vendit.

Ai është pyetur edhe për protestat në Serbi.

"Vuçiq një diktator i cili për interesat e tyre vazhdon te shtyp popullin e Serbisë por edhe të rrezikojë sigurinë në rajon. Sa më shpejt Serbia demokratizohet aq më mirë për rajonin", shtoi ai.

Ministri i Punëve të Brendshme, Xhelal Sveçla ka bërë të ditur se në një operacion policor që u zhvilluar në një fshat në Leposoviq, janë konfiskuar municion dhe uniforma ushtarake.

"Janë zbuluar uniforma të ndryshme, armë dhe municion të ndryshëm por edhe dokumentacione të cilat dëshmojnë se strukturat paralele të mbajtjes civile vazhdon të jetë aktive në territorin e Kosovës. Ky zbulim ka ndodhur disa kilometra brenda kufirit Kosovë-Serbi, në fshatin Rodel. Në vazhdimësi po zhvillojmë aksione", tha ai.

Sipas tij, duke qenë se për çdo ditë po zbulojnë armë, tregon se ende ka pjesëtarë të dy organizatave terroriste në territorin e Kosovës.

"Serbia vazhdon të strehojë terroristin Millan Radojiçiq i cili është kupolla... ne ju bëjmë të gjithë atyre që kanë qenë pjesë e këtyre grupeve terroriste të dorëzohen, të dorëzojnë armët dhe që të bëhen pjesë integrale e shoqërisë", shtoi ai.

Drejtori i Policisë së Kosovës, Gazmend Hoxha bëri të ditur se operacioni është akoma duke vazhduar.

"Operacioni është akoma duke vazhduar, një person është duke u intervistuar", tha ai.

Në konferencë për media, ai theksoi se një nga uniformat është e Mbrojtjes Civile, organizatë terroriste e shpallur nga Qeveria e Kosovës.

"Në mesin e uniformave të konfiskuara, një prej uniformave është e mbrojtjes civile, e shpallur terroriste nga qeveria e Kosovës. Ekziston mundësia që edhe dy armë janë diku”, tha ai.