Marrëveshja për mineralet nuk është nënshkruar, thonë nga Shtëpia e Bardhë
Sipas një zëdhënësi të Shtëpisë së Bardhë, marrëveshja e propozuar nga SHBA për mineralet e rralla midis SHBA dhe Ukrainës nuk është nënshkruar, shkruan BBC, transmeton 'Bota sot'.
Më herët sot, Trump tha se dyshja do ta nënshkruanin atë gjatë konferencës së tyre të përbashkët për shtyp, e cila që atëherë është anuluar.
Ambasadorja e Ukrainës shkon pas Zelenskit, duke tundur kokën
Siç sapo raportuam, Presidenti Zelensky është larguar nga Shtëpia e Bardhë – dukej se injoronte pyetjet e bërtitura në anglisht, rusisht dhe ukrainisht ndërsa e bëri këtë.
Ambasadorja e Ukrainës në SHBA mbeti pas tij, në një moment dukej se tundi kokën teksa kalonte në heshtje.
Largohet Zelensky
Volodymyr Zelensky sapo është larguar nga Shtëpia e Bardhë pas shkëmbimit të tij të zemëruar me presidentin amerikan Donald Trump dhe zëvendëspresidentin JD Vance.
Një transmetim i drejtpërdrejtë i hyrjes së Krahut Perëndimor të Shtëpisë së Bardhë tregon se presidenti ukrainas del me nxitim nga dera dhe futet në një fuoristradë të zezë, e cila e largon atë.
Pak çaste më parë, Trump postoi në platformën e tij "Truth Social" se Zelensky "nuk ka respektuar Shtetet e Bashkuara të Amerikës në Zyrën e tyre të dashur Ovale. Ai mund të kthehet kur të jetë gati për paqe".
