Ka disa muaj që ky grup i mrekullueshëm është përgatitur për Ekspeditën e Kosovës në Mont Blanc-Francë. Disa janë nisur me fluturime nga Zvicra, Italia dhe Franca.
"Takimi ynë është në Savoy - Chamonix. Klubi Alpin Prishtina është përpjekur shumë që grupi të ketë përgatitje dhe njohuri të duhura për një ngjitje të tillë. Guidat e KAP janë të angazhuar me shumë përgjegjësi që gjithçka të shkojë sipas planit.
Këto vajza dhe djem janë shembull i edukatës dhe kulturës malore; vijnë nga profesione të ndryshme, përfaqësojnë kauza të ndryshme por i bashkon një qëllim i vetëm.
Ekspeditat e tilla krijojnë komunitet, përvojë dhe kujtime të përjetshme.
Jam krenar që gjendem në krye të këtij grupi”, shkruan në faqen e Klubit Alpin Prishtina.
