Gjenerali i pensionuar i forcave ajrore amerikane Charles “Chuck” Yeager, që konsiderohet ishte njeriu i parë që “theu” shpejtësinë e zërit, ka ndërruar jetë në moshën 98-vjeçare, shkruan CNN.
Gruaja e tij Victoria ka shkruar në Twitter, se Yeager ka ndërruar jetë të hënën.
Si 24-vjeçar, Yeager ishte kapiten kur në vitin 1947 gjatë një fluturimi testues me aeroplanin ushtarak të forcave ajrore amerikane, arriti të thyej shpejtësinë e zërit.
65 vite më vonë, më 14 tetor 2012, Yeager në ulësen e pasme të aeroplanit F-15 Eagle ka kryer të njëjtin fluturim mbi shkretëtirën Mohave në Kaliforni.
