"Ata po qëllojnë në sallën e deputetëve". "Cicërima" më dramatike e fazave të trazuara të pushtimit të Kongresit Amerikan nga protestuesit pro-Trump në Uashington, është ajo e Matt Fuller, një prej reporterëve që qëndroi i mbyllur në ndërtesë pas bllokimit nga ana e demonstruesve.
Armët, të dokumentuara në disa foto, të destinuara të mbeten në histori, janë ato të burrave të sigurisë së brendshme, të cilët qëndrojnë në gatishmëri për të mbajtur larg protestuesit e dhunshëm.
"Ata na kërkuan të uleshim në dysheme dhe të përgatisim maskat tona të gazit. Kjo është një çmenduri", shkruan kongresmeni i Minesotës, Dean Phillips.
"Demonstruesit janë tani në dhomën e Senatit," – postoi në Twitter pak më vonë një tjetër koleg, ndërsa policia bëri të ditur se disa agjentë duhej të nxirrnin armët e tyre për të mbrojtur politikanët.
Por që situata ishte dramatike dhe jashtë kontrollit, mund të kuptohet nga disa mesazhe, madje edhe nga jashtë, siç është ai, sipas të cilit Departamenti i Mbrojtjes, "sapo ka mohuar një kërkesë të zyrtarëve të Uashington DC për të vendosur Gardën Kombëtare në Kapitol".
