Joe Biden mori dozën e dytë të vaksinës Pfizer/BioNTech para kamerave, si pjesë e një përpjekjeje nga administrata e ardhshme e presidentit të zgjedhur për të siguruar vendin për sigurinë e vaksinave.
Biden mori vaksninën në krahun e majtë nga Ric Cuming, kryeinfermiere në spitalin ChristianaCare në Christiana në Newark, Delaware, sipas ekipit në tranzicion të Biden, raporton cnn.
Vaksinimi i presidentit të zgjedhur vjen një javë para se të betohet si presidenti i ardhshëm i Shteteve të Bashkuara dhe ndërsa pandemia e coronavirusit vazhdon të shkatërrojë kombin.
Më shumë se 374,500 amerikanë kanë vdekur nga coronavirusi dhe rastet po rriten me shpejtësi në të gjithë vendin.
Biden mori dozën e parë të vaksinës muajin e kaluar drejtpërdrejt në televizionin kombëtar. Presidenti i zgjedhur shprehu besimin në vaksinat dhe inkurajoi amerikanët që të marrin një të tillë sa më shpejt që t’u vihet në dispozicion.
Vaksina Pfizer / BioNTech, ashtu si vaksina Covid-19 e zhvilluar nga Moderna, kërkon dy doza të administruara me disa javë larg për të arritur efikasitetin gati 95 për qind.
