SHBA vazhdon të raportojë shifra të larta të infeksioneve ditore me koronavirus.
Shtetet e Bashkuara të Amerikës raportuan 178,255 infeksione të reja me koronavirus të mërkurën, duke e çuar totalin në të paktën 24,434,283 që nga fillimi i pandemisë, sipas të dhënave të Universitetit Johns Hopkins.
4,229 viktima të tjera të lidhura me virusin u raportuan gjithashtu të mërkurën – numri i dytë më i lartë ditor i vendit.
Numri i të vdekurve nga COVID-19 në SHBA tani qëndron në 406,001.
Në total përfshihen raste nga të 50 shtetet, Distrikti i Kolumbisë dhe territore të tjera të SHBA, si dhe raste të riatdhesuara.
