Qendrat shëndetësore në shumicën e qyteteve braziliane janë afër kolapsit për shkak të rasteve Covid-19, sipas një raporti nga instituti Fiocruz .
Instituti me bazë në Rio de Janeiro tha se më shumë se 80% e shtretërve të njësive të kujdesit intensiv (ICU) janë zënë.
Të martën vendi regjistroi 1,972 vdekje Covid, një rekord i ri ditor, raporton BBC.
Brazili ka regjistruar më shumë se 266,000 vdekje dhe 11 milion raste që nga fillimi i pandemisë.
Ajo ka numrin e dytë më të lartë të vdekjeve në botë pas SHBA dhe numrin e tretë më të lartë të rasteve të konfirmuara.
Dy qytete – Porto Alegre dhe Campo Grande – kanë tejkaluar kapacitetin e ICU.
Në raportin e tij, Fiocruz paralajmëroi se shifrat tregonin “mbingarkesën dhe madje kolapsin e sistemeve shëndetësore.”
“Më e mira që mund të bëjmë është të shpresojmë në mrekullinë e vaksinimit masiv ose një ndryshim rrënjësor në menaxhimin e pandemisë,” tha epidemiologu i Fiocruz, Jesem Orellana.
