Më shumë se 90 njerëz u gjetën "të mbledhur së bashku" në një shtëpi në Huston në një rast të mundshëm të kontrabandës njerëzore, ka thënë të premten Departamenti i Policisë atje, njoftoi AbcNews.
Askush nuk ishte lëndua rëndë, por ndihmësi i shefit të policisë së Hustonit, Daryn Edwards, ka thënë: "Ne jemi të shqetësuar që mund të ketë disa raste pozitive me COVID-19 brenda shtëpisë".
Disa njerëz kanë ethe dhe disa kanë humbur nuhatjen dhe shijen, shtoi Edwards në një konferencë për shtyp.
Departamenti i Shëndetësisë ka shkuar në vendin e ngjarjes për të kryer testime të shpejta.
Asnjë fëmijë nuk ishte brenda. Rreth pesë gra janë në shtëpi dhe pjesa tjetër janë burra, vijoi Edwards. Ata i thanë policisë se kishin ngrënë pak, dhe atyre iu sollën ushqim dhe ujë.
Policia e Hustonit ka thënë se ata ishin në dijeni të një thirrjeje rrëmbimi të enjten në mbrëmje dhe autoritetet punuan gjatë gjithë natës në përpjekje për të gjetur vendndodhjen e viktimave të rrëmbimit. Autoritetet ekzekutuan një urdhër kërkimi në një shtëpi dykatëshe në Huston dhe vendosën se ky ishte një "hetim i kontrabandës njerëzore".
