Organizata Botërore e Turizmit të Kombeve të Bashkuara (UNWTO) ka dhënë disa rekomandimesh që janë të nevojshme të dihen mbi atë që tashmë njihet si “pasaporta e vaksinave”.
Këto rekomandime u dhanë si përgjigje ndaj kërkesave “urgjente” për rifillimin e turizmit.
Me anë të këtyre pasaportave ka shpresë të madhe se një sezon i fortë i turizmit, i ndihmuar nga pasaportat e lëshuara për ata që janë vaksinuar kundër COVID-19, do ndihmojë në humbjen e 100 milionë vendeve të punës në sektorin e udhëtimeve.
Më e rëndësishmja është se sipas UNWTO, vendet anëtare të saj pritet të bëjnë të gjitha certifikatat e udhëtimit COVID-19 falas, “të disponueshme botërisht dhe jo-diskriminuese”.
Disa nga propozimet mbi pasaportat apo certifikatat e udhëtimeve janë këto:
Mbrojtja e të dhënave për të gjithë individët me pasaporta vaksine.
Kërkesa për certifikim digjital dhe në letër.
Ndërpritja e çdo skeme certifikimi kur pandemia nuk konsiderohet më një Urgjencë e Shëndetit Publik.
Gjithashtu në deklaratën e UNWTO, iu është kërkuar fuqive të mëdha që të vendosin “një shkallë të lartë solidariteti ndaj vendeve me më pak avantazh” kur bëhet fjalë mbi provat dhe përpjekjet për vaksinim.
Kryetari i Komitetit të Etikës së Turizmit, Pascal Lam, shpreson se këto pasaporta do ta ndihmojnë rimëkëmbjen e turizmit.
“Shpresojmë që ky rekomandim të sigurojë një kornizë etike globale që do të ndihmojë në rimëkëmbjen shumë të nevojshme të turizmit”.
