Katër zjarrfikës dhe një civil pësuan lëndime pasi një kamion zjarrfikës u përplas te një ndërtesë derisa iu përgjigj një thirrjeje emergjent të enjten pasdite në Filadelfia të Veriut.
Sipas medieve të huaja, incidenti ndodhi pak pas orës 4 pasdite, derisa policia thotë se ekuipazhi Motor 29 po i përgjigjej një zjarri shtëpie afër rrugëve Front dhe Diamond.
Katër zjarrfikës ishin në bordin e automjetit në kohën e përplasjes, dhe zyrtarët thonë se të njëjtit pësuan lëndime. Dy prej tyre duhej të tërhiqeshin nga automjeti i urgjencës.
Zjarrfikësit u trajtuan si dhe u dërguan për trajtim në spitalet e zonës. Të gjithë u liruan të enjten mbrëma nga spitali.
Ndërkohë, si pasojë e këtij incidenti ka mbetur e lënduar edhe një grua e cila po voziste një Toyota, megjithatë sipas autoriteteve lëndimet nuk duket se janë kërcënuese për jetën.
