Të gjithë personat nga mosha 2 deri në 18 vjeç do të marrin dy doza të vaksinës të quajtur Soberana-2 e prodhuar në Kubë.
Vaksinimi pritet të fillojë si pjesë e një përpjekjeje të këtij vendi për të imunizuar më shumë se 90% të popullsisë.
Zyrtarja e Ministrisë së Shëndetësisë Ileana Morales Suarez u shpreh se kjo fushatë do të ishte e ngjashme me fushatat e tjera që luftojnë kundër sëmundjeve të ndryshme që prekin të vegjlit dhe adoleshentët.
Provat e deritanishme të vaksinës tregojnë se kemi të bëjmë me një vaksinë të sigurt.
Ky vendim u njoftua gjatë një takimi javor të udhëheqësve politikë dhe shkencëtarëve në përgjigje të pandemisë që ka mbërthyer vendin.
Kuba aktualisht po njeh një rritje të rasteve për shkak të variantit Delta që e ka zhytur sistemin shëndetësor në kolaps të plotë.
Gjatë javës së kaluar, vendi regjistroi mesatarisht mes 6,500 dhe 7,000 raste në ditë dhe 70 deri në 80 humbje jete. Nga 11.3 milionë banorët e Kubës deri më tani është vaksinuar plotësisht rreth 50% e popullsisë.
