Shtetet e Bashkuara tejkaluan 700,000 vdekje të lidhura me koronavirusin, sipas një raporti të agjencisë së lajmeve “Reuters”. Javën e kaluar u regjistrua një mesatare prej më shumë se 2,000 vdekjesh në ditë.
Shtetet e Bashkuara vazhdojnë të udhëheqin në numrin e rasteve dhe vdekjeve nga Covid-19, duke përbërë 19% dhe 14% të të gjitha infeksioneve dhe vdekjeve të raportuara.
Në të gjithë botën, numri i vdekjeve nga pandemia ka arritur në gati 5 milionë.
Rreth 56% e popullsisë amerikane është vaksinuar plotësisht, me rreth 65% që kanë marrë të paktën një dozë, sipas Qendrës për Kontrollin dhe Parandalimin e Sëmundjeve.
