Francis Salvador më 11 janar 1775, u zgjodh anëtar i Kongresit provincial të Karolinës Jugore, duke u bërë i pari hebre i zgjedhur në një post të lartë të Shteteve të Bashkuara.
Salvador, një pronar plantacionesh, u zgjodh në këtë post megjithëse Kushtetuta e shtetit të Karolinës Jugore u sanksiononte të drejtën e votës vetëm të krishterëve.
Më pas, ai u bë hebreu i parë që u vra gjatë Revolucionit Amerikan. Ai po drejtonte një njësi të forcave policore të këtij shteti, kur u sulmua nga forcat monarkiste britanike dhe nga indianët e Amerikës.
Salvador u plagos rëndë në fazën e parë të luftimeve dhe vdiq disa ditë më vonë. Familja e tij rridhte nga hebrenj, të cilët ishin larguar nga Spanja në periudhën e Inkuizicionit.
Miku i tij Henry Laurens raportoi se vdekja e Salvadorit (29) ishte "pendesë universale", ndërsa William Henry Drayton, më vonë kryegjykatës i Karolinës Jugore, vuri në dukje se Salvador kishte "sakrifikuar jetën e tij në shërbim të vendit të tij të adoptuar".
