Sekretari i Mbrojtjes i Shteteve të Bashkuara, Lloyd Austin foli me ministrat e Mbrojtjes të Sllovakisë, Mbretërisë së Bashkuar dhe Francës lidhur me agresionin e Rusisë në Ukrainë.
Kështu u tha gazetarëve të martën një zyrtar i lartë i mbrojtjes amerikane.
Thirrjet ishin “të gjitha të përqendruara rreth luftës në Ukrainë dhe asaj që Shtetet e Bashkuara po bëjnë për të vazhduar ofrimin e ndihmës së sigurisë për Ukrainën”, tha zyrtari.
“Ai (Austin) falënderoi secilin prej këtyre liderëve ... për mbështetjen e vendit të tyre për Ukrainën dhe për masat e sigurimit dhe parandalimit që ata po marrin të gjithë për të ndihmuar në forcimin e krahut lindor të NATO-s,” shtoi zyrtari.
