Departamenti Amerikan i Shtetit ka njoftuar nisjen e një programi të ri që do t'u mundësojë atyre të kapin dhe analizojnë provat e krimeve të luftës dhe mizorive të tjera të kryera nga forcat ruse në Ukrainë.
Departamenti tha në një deklaratë se Observatori i Konfliktit do të analizonte dhe ruante informacionin e disponueshëm publikisht dhe komercialisht, duke përfshirë imazhet satelitore dhe informacionin e shpërndarë përmes mediave sociale.
Në një deklaratë thuhej: "Observatori i Konfliktit është një demonstrim i mëtejshëm i mbështetjes së palëkundur të Shteteve të Bashkuara për popullin e Ukrainës,
ndërsa ata mbrojnë me guxim vendin dhe lirinë e tyre në përgjigje të luftës së paramenduar, të pajustifikuar dhe të paprovokuar të Presidentit Putin".
