Një punonjës që merrej me transportimin e valixheve në aeroportin Montgomery në Alabama të SHBA, ka humbur jetën në natën e ndërrimit të moteve, pasi u “përpi” nga motori i një aeroplani.
Autoritetet thonë se incidenti ndodhi të shtunën rreth orës 15:00, kur motori i ndezur i aeroplani të aviokompanisë Envoy Air e “përpiu” derisa po qëndronte i parkuar dhe bëhej gati për fluturim për në Dallas të Teksasit.
Fjala është për punonjësin e aviokompanisë Piedmont Airlines, që akoma nuk është identifikuar, e Envoy dhe Piedmont janë kompani rajonale që funksionojnë nën ombrellën e American Airlines.
Aeroporti Montgomery është mbyllur pak pas incidentit, por ka vazhduar me punën të dielën mbrëma, ka njoftuar Montgomery Advertiser.
Hetimet janë duke vazhduar e Këshilli për Siguri Kombëtare të Trafikut Ajror, ka njoftuar se sapo të marrin rezultatet preliminare do të njoftojnë opinionin.
