Një aksident i frikshëm mes një minibusi dhe një kamioni ka lënë të vdekur 12 persona, përfshirë një fëmijë.
Dy automjetet u përplasën kokë më kokë midis Maraba dhe Nova Ipixuna, në shtetin Para të Brazilit.
Shërbimet e urgjencës shkuan në vendngjarje pas aksidentit, raporton thesun.
Pamjet tronditëse tregojnë pjesën e përparme të minibusit të shkatërruar me mbeturina të shpërndara nëpër rrugë.
Autoritetet thanë se nëntë persona vdiqën në vendngjarje dhe tre të tjerë rrugës për në spital.
Një fëmijë, mosha e të cilit nuk është konfirmuar, ishte në mesin e të vdekurve.
Disa të tjerë u dërguan me urgjencë në spital, ku disa mbeten në gjendje të rëndë.
Policët thonë se minibusi mbante 18 persona, ndërsa në kamion ndodheshin dy persona.
Rruga u mbyll nga policia për disa orë ndërsa policët po hetonin. Mësohet se mes të mbijetuarve është edhe një fëmijë tre vjeçar.
